नेपाल प्रेस युनियनले 'पत्रकारसँग प्रेस युनियन' अभियान सञ्चालन गर्ने

राजनीति

गृहपृष्ठ
राजनीति
नेपाल प्रेस युनियनले 'पत्रकारसँग प्रेस युनियन' अभियान सञ्चालन गर्ने

नेपाल प्रेस युनियनले 'पत्रकारसँग प्रेस युनियन' अभियान सञ्चालन गर्ने

पत्रकार महासंघको निर्वाचन सुनिश्चित गर्न आग्रह

आइतबार, साउन २७, २०८१ बागेश्वरी पोस्ट

नेपालगञ्ज । नेपाल प्रेस युनियनले नेपाल पत्रकार महासंघको निर्वाचन सुनिश्चित गर्न आग्रह गरेको छ । धुलीखेलमा अध्यक्ष शिव लम्सालको अध्यक्षतामा बसेको प्रेस युनियन केन्द्रीय कार्य सम्पादन समिति बैठकले निर्वाचन सुनिश्चित गर्न आग्रह गरेको हो ।

‘नेपाल पत्रकार महासंघको निर्वाचनमा देखिएको ढिलाईप्रति नेपाल प्रेस युनियनको गम्भीर चासो रहेको छ । सदस्यता सम्बनन्धि विवाद टुंग्याएर निर्वाचनमा देखिएको अन्योल हटाई पत्रकार महासंघको निर्वाचन सुनिश्चित गर्न युनियन आग्रह गर्दछ,’ प्रेस युनियन महासचिव दिपीप पौडेलद्वारा जारी विज्ञप्तिमा भनिएको छ ।

यस्तै श्रमजीवी पत्रकार ऐन कार्यान्वयन गर्न, पत्रकारलाई नियमित पारिश्रमिक उपलब्ध गराउन र कानुनमा भएको व्यवस्था अनुसार तलब सुविधा उपलब्ध गराउन सञ्चार प्रतिष्ठानलाई आग्रह गर्ने निर्णय पनि युनियनले गरेको छ । पत्रकार र पत्रकारिता क्षेत्रका समस्या पहिचान गरी समाधानका लागि पहल गर्न तथा प्रेस युनियनमा नयाँ पत्रकार आबद्ध गर्न 'पत्रकारसँग प्रेस युनियन' अभियान सञ्चालन गर्ने निर्णय पनि युनियनले गरेको महासचिव पौडेलले बताए ।

प्रेस काउन्सिल नेपालले सार्वजनिक गरेको पत्रपत्रिका वर्गीकरण मूल्यांकन न्यायोचित नभएको र विभेदपूर्ण रहेको पनि युनियनको ठहर छ । यस्तै पत्रपत्रिकाको वर्गीकरण नतिजामा देखिएको त्रुटि सच्याएर पुनः नतिजा सार्वजनिक गर्न प्रेस काउन्सिल नेपालसँग युनियनले माग गरेको छ ।

यस्तै सञ्चार माध्यमलाई सरकारले दिँदै आएको लोककल्याणकारी विज्ञापन वितरणलाई व्यवस्थित र पारदर्शी बनाउन प्रेस युनियनले सरकारको ध्यानाकर्षण समेत गराएको छ ।