बहेलिया चिडिमार समाजको अध्यक्षमा पुनः रामु चिडिमार

स्थानीय

गृहपृष्ठ
स्थानीय
बहेलिया चिडिमार समाजको अध्यक्षमा पुनः रामु चिडिमार

बहेलिया चिडिमार समाजको अध्यक्षमा पुनः रामु चिडिमार

शनिबार, भदौ २२, २०८१ बागेश्वरी पोस्ट

नेपालगन्ज । बहेलिया चिडिमार विकास समाज बाँकेको अध्यक्षमा पुनः रामु चिडिमार सर्वसम्मत चयन भएका छन् ।
संस्थाको दोश्रो अधिबेशनले रामुको अध्यक्षतामा १५ सदस्सीय नयाँ समिति चयन गरेको छ । नेपालगन्ज उपहानगरपालिका वडा नम्बर १२ को सभा हलमा सम्पन्न अधिबेशनबाट उपाध्यक्षमा तिरथ चिडिमार, सचिबमा सुकराम चिडिमार, सहसचिब विनिता चिडिमार र कोषाध्यक्षमा हौसीलाल चिडिमार चयन भएका छन् ।

यसैगरी समाजको सदस्यहरुमा क्रमशः लल्लुराम चिडिमार, फुलंगी चिडिमार, सुनिता चिडिमार, अनुशा चिडिमार, सरस्वती चिडिमार, दुर्गा चिडिमार, अर्जुन चिडिमार, विक्की चिडिमार, आरती चिडिमार र परशुदीन चिडिमार रहेका छन् ।

अधिबेशनको उद्घाटन सत्रमा बोल्दै कार्यक्रमका प्रमुख अतिथि नेपालगन्ज उपमहानगरपालिकाका नगर प्रमुख प्रशान्त बिष्टले चिडिमार समुदायको सशक्तिकरणका लागि समाजको भूमिका महत्वपूर्ण हुने विश्वास ब्यक्त गरे । बहेलिया समाजले गर्ने कार्यहरुमा नेपालगन्ज उपमहानगरपालिकाले आवश्यक सहयोग तथा सहकार्य गर्ने मेयर बिष्टको प्रतिबद्धता थियो ।

यसैगरी कार्यक्रममा बोल्दै वडा नम्बर १२ का अध्यक्ष तरुण कुमार बज्राचार्यले चिडिमार समाजमा सचेना फैलाउन नयाँ समितिको भूमिका महत्वपूर्ण हुने बताए । उनले वडाले आवश्यकता अनुसार सहयोग गर्ने प्रतिबद्धता गरे । कार्यक्रममा उच्च बार एसोसिएसनका अध्यक्ष चित्र बहादुर शाही, गैरसरकारी संस्था महासंघ नेपाल बाँकेका सचिब सुर्यलाल यादब लगायतले बोलेका थिए ।

बहेलिया चिडिमार समाज बाँके समाजमा बिद्यमान अन्धविश्वास तथा कुरीतीहरुको अन्त्यका लागि सचेतना अभिबृद्धि गर्दै समाज विकासका लागि काम गर्ने उद्देश्यले २०६६ सालमा स्थापना भएको थियो ।

प्रकाशित मिति: शनिबार, भदौ २२, २०८१ २०:३०

प्रतिक्रिया दिनुहोस्