जानकीले भन्यो-'पशुचौपाया सडकमा नबाँध्नुस् र खुला स्थानमा शौच नगर्नुस्'

स्थानीय

गृहपृष्ठ
स्थानीय
जानकीले भन्यो-'पशुचौपाया सडकमा नबाँध्नुस् र खुला स्थानमा शौच नगर्नुस्'

जानकीले भन्यो-'पशुचौपाया सडकमा नबाँध्नुस् र खुला स्थानमा शौच नगर्नुस्'

शुक्रबार, असोज ११, २०८१ बागेश्वरी पोस्ट

नेपालगञ्ज । बाँकेको जानकी गाउँपालिकाले सडकमा पशुचौपाया नबाँध्न र खुला स्थानमा दिसापिसाब (शौच) नगर्न स्थानीयलाई सचेत बनाएको छ ।

प्रमुख प्रशासकीय अधिकृत सुनिल नेपालीले आज एक सूचना निकालेर स्थानीय सरकार सञ्चालन ऐन अन्तर्गत गाउँपालिकाको अधिकार क्षेत्रभित्र रहेको आधारभूत स्वास्थ्य सरसफाईलाई मध्यनजर गर्दै सडक लगायत सार्वजनिक स्थानहरुमा फोहोर गर्ने गाईगोरु, भैंसी, घोडा, खच्चड, भेडाबाख्रा र अन्य चौपाया नबाँध्न तथा खुला ठाउँमा दिसापिसाब नगर्न सचेत बनाएका हुन् ।

सार्वजनिक बाटोमा राखेका फोहोर तथा सामान बस्तुभाउबाट आवतजावतमा असर परेमा प्रचलित कानुन बमोजिम जरिवाना र सजाय गरिने चेतावनी दिइएको छ । बाटोघाटोमा पशुचौपाया बाँध्ने र खुला ठाउँमा दिसापिसाब गर्ने प्रबृत्तिमा कमी नआएपछि गाउँपालिकाले सार्वजनिक सूचना नै निकालेको हो ।

May be an image of the Western Wall and text