नेत्रहिन संघ बाँकेद्वारा पत्रकार दाहाल सम्मानित

स्थानीय

गृहपृष्ठ
स्थानीय
नेत्रहिन संघ बाँकेद्वारा पत्रकार दाहाल सम्मानित

नेत्रहिन संघ बाँकेद्वारा पत्रकार दाहाल सम्मानित

आइतबार, कात्तिक ४, २०८१ बागेश्वरी पोस्ट

नेपालगन्ज । बाँके नेत्रहिन संघले आफ्नो २६औं वार्षिक साधारण सभाको अवसरमा पत्रकार खगेन्द्र दाहाललाई सम्मान गरेको छ । समुदायमा रहेका अपांगता भएका व्यक्तिहरुको सवालमा निरन्तर कलम चलाई उनीहरुलाई पुन:स्थापनामा टेवा पुर्याएको भन्दै संघले वार्षिक साधारण सभामा पत्रकार दाहाललाई दोसल्ला र कदरपत्रले सम्मान गरेको हो ।

पत्रकार दाहालसँगै समाजसेवी जयकेश सिंह, नेपालगन्ज उपमहानगरपालिका ७ नम्बर वडाका वडाध्यक्ष प्रशान्त श्रेष्ठ र होमनाथ गिरीलाई साधारण सभामा सम्मान गरिएको थियो ।

बाँके नेत्रहिन संघका अध्यक्ष भावुकजंग थापाको अध्यक्षतामा भएको कार्यक्रममा संघमा हालसम्म भएका प्रगतिका बारेमा सचिव रमेश शाहुले प्रतिवेदन प्रस्तुत गरेका थिए । साधारण सभामा बोल्ने अधिकांशले नेत्रहिनहरुले पनि समाजमा उल्लेख्यरुपमा काम गरेर देखाउँदै आएकाले कसैले पनि हेलाको दृष्टिले नहेर्न अनुरोध गरेका थिए । स्थानीय सरकारले पनि दृष्टिविहिनहरुका लागि रोजगारी सिर्जना गर्ने कार्यक्रमहरु ल्याउन आवश्यक रहेको कार्यक्रममा जोड दिइएको थियो ।

संघमार्फत सन्चालित होस्टेलमा २६ जना बसेर अध्ययन गरिरहेका छन । १ सय बढी दृष्टिविहिन विद्यार्थीहरु संघको होस्टेलमा बसेर अध्ययन गरी विदाई भइसकेको संघका अध्यक्ष थापाले जानकारी दिए । कार्यक्रममा वडा नम्बर १३ का वडाध्यक्ष सुरेश सिंह ठाकुर, गैरसरकारी संस्था महासंघ बाँकेका अध्यक्ष चन्द्र प्रसाद तिमिल्सिना, नेपालगन्ज उद्योग बाणिज्य संघका उपाध्यक्ष मन्दिरा पाण्डे, नगरस्तरीय अपांगता संजालका अध्यक्ष गोकर्ण आचार्य लगायतले शुभकामना मन्तव्य दिएका थिए ।

प्रकाशित मिति: आइतबार, कात्तिक ४, २०८१ १९:०९

प्रतिक्रिया दिनुहोस्