नदीमा डुबेर तीन बालिकाको मृत्यु

समाचार

गृहपृष्ठ
समाचार
नदीमा डुबेर तीन बालिकाको मृत्यु

नदीमा डुबेर तीन बालिकाको मृत्यु

बिहीबार, कात्तिक ८, २०८१ बागेश्वरी पोस्ट

नेपालगन्ज । दाङको लमही नगरपालिका-२ रनियाँपुरका तीन जना बालिकाहरूको राप्ती नदीमा डुबेर मृत्यु भएको छ । लमही नगरपालिका-२ रनियाँपुर निवासी वर्ष १२ की झरना चौधरी, वर्ष १२ की निशा चौधरी र गढवा- ४ खडकपुर स्थायी ठेगाना भई हाल लमही नगरपालिका-५ लमही गल्ली बस्ने वर्ष १२ की कृष्टि चौधरीको नदीमा डुबेर मृत्यु भएको जिल्ला प्रहरी कार्यालय दाङका प्रवक्ता ईश्वर थापाले जानकारी दिए ।

मृतक कृष्टि गोरखा मोडेल सेकेण्डरी स्कुल लमही कक्षा ८ मा, झरना चौधरी राप्ती गाउँपालिकाको पत्थर गढवास्थित मार्टिन एकेडेमी कक्षा ४ मा र निशा सोही विद्यालयको कक्षा ६ मा अध्ययन गर्ने विद्यार्थी रहेको बताइएको छ ।

दिउँसो पौने २ बजेको समयमा राप्ती नदीमा नुहाउने क्रममा डुबेर उनीहरूको मृत्यु भएको जिल्ला प्रहरी कार्यालय दाङले जनाएको छ ।

प्रकाशित मिति: बिहीबार, कात्तिक ८, २०८१ १८:५०

प्रतिक्रिया दिनुहोस्