नेविसंघको विधान संशोधन समिति संयोजकको जिम्मेवारी आचार्यलाई

राजनीति

गृहपृष्ठ
राजनीति
नेविसंघको विधान संशोधन समिति संयोजकको जिम्मेवारी आचार्यलाई

नेविसंघको विधान संशोधन समिति संयोजकको जिम्मेवारी आचार्यलाई

सोमबार, कात्तिक २६, २०८१ बागेश्वरी पोस्ट

नेपालगञ्ज । नेपाल विद्यार्थी संघ (नेविसंघ) का केन्द्रिय सदस्य नगेन्द्र प्रसाद आचार्य (एनपी)को संयोजकत्वमा नेपाल विद्यार्थी संघको विधान संशोधन एवम् परिमार्जन समिति गठन गरिएको छ । आचार्य जुम्लाका हुन् ।

नेपाल विद्यार्थी संघको १२औं महाधिवेशन तोकिएकै समय-सीमाभित्र सम्पन्न गर्ने उद्देश्यले गठन गरिएको विधान संशोधन एवम् परिमार्जन समितिको सदस्यहरुमा मोरङका विवेक लिम्बु, तनहुँका राजेशकुमार श्रेष्ठ, बर्दियाका ई. सुनिल शाही र कपिलवस्तुकी मञ्जु विश्वकर्मा रहेका छन् ।

नेपाल विद्यार्थी संघका अध्यक्ष दुजाङ शेर्पाले संघको विधान २०२७ (संशोधनसहित) मा व्यवस्था भएका प्रावधानहरु समयानुकुल संशोधन एवम् परिमार्जन गर्नको लागि नेपाल विद्यार्थी संघको प्रमथ ऐतिहासिक बैठकद्वारा सर्वसम्मतले पारित निर्णयलाई कार्यान्वनय गराउन समिति गठन गरेको बताएका छन् ।

संयोजकको जिम्मेवारी पाएपछि आचार्यले तोकिएको समयमा संघको विधान आम विद्यार्थी युवाहरुको मनोभावनालाई सम्बोधन गर्ने गरी परिमार्जन गर्ने प्रयास गर्ने बताएका छन् ।

प्रकाशित मिति: सोमबार, कात्तिक २६, २०८१ २०:२०