नवनिर्वाचित वडाध्यक्ष पदभार ग्रहण समारोहस्थलबाटै पक्राउ

सुरक्षा-अपराध

गृहपृष्ठ
सुरक्षा-अपराध
नवनिर्वाचित वडाध्यक्ष पदभार ग्रहण समारोहस्थलबाटै पक्राउ

नवनिर्वाचित वडाध्यक्ष पदभार ग्रहण समारोहस्थलबाटै पक्राउ

शुक्रबार, मंसिर २१, २०८१ बागेश्वरी पोस्ट

नेपालगन्ज । स्थानीय तहको उपनिर्वाचनमा निर्वाचित भएको ५ दिनमै वडाध्यक्ष पक्राउ परेका छन् । सप्तरीस्थित डाक्नेश्वरी नगरपालिका-१ बाट वडाध्यक्षमा निर्वाचित भएका धीरेन्द्रकुमार साहलाई सप्तरी प्रहरीले पक्राउ गरेको छ ।

सप्तरी प्रहरीले उपनिर्वाचनमा निर्वाचित भएका वडाध्यक्ष साहलाई वडाध्यक्षको पदभार ग्रहणका लागि विहीबार राखिएको समारोहस्थलबाटै पक्राउ गरेको जनाएको छ ।

जसपा नेपालबाट निर्वाचित भएका साहलाई अदालतको आदेशबाट कर्तव्य ज्यान मुद्दामा पक्राउ गरिएको सप्तरी प्रहरीले जानकारी दिएको छ ।

जिल्ला अदालत सप्तरीमा ५-६ जना विरुद्ध कर्तव्य ज्यान मुद्दा दर्ता भएको हुँदा त्यसैको अनुसन्धानका लागि वडाध्यक्ष साहलाई पक्राउ गरिएको सप्तरी प्रहरीले जानकारी दिएको छ ।

प्रकाशित मिति: शुक्रबार, मंसिर २१, २०८१ १०:४१

प्रतिक्रिया दिनुहोस्