नेपालगञ्ज-१२ ले दियो पत्रकार महासंघका नवनिर्वाचित पदाधिकारीलाई बधाई

स्थानीय

गृहपृष्ठ
स्थानीय
नेपालगञ्ज-१२ ले दियो पत्रकार महासंघका नवनिर्वाचित पदाधिकारीलाई बधाई

नेपालगञ्ज-१२ ले दियो पत्रकार महासंघका नवनिर्वाचित पदाधिकारीलाई बधाई

बुधबार, पुस ३, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १२ ले नेपाल पत्रकार महासंघको लुम्बिनी प्रदेश र जिल्ला कार्यसमितिमा नवनिर्वाचित पदाधिकारी एवम् सदस्यहरुलाई बधाई दिएको छ । वडा कार्यालयमा आज आयोजित एक कार्यक्रमका बीच नवनिर्वाचित पदाधिकारीलाई बधाई दिँदै सफल कार्यकालको शुभकामना ब्यक्त गरिएको हो ।

वडा अध्यक्ष तरुणकुमार बज्राचार्यको अध्यक्षतामा सम्पन्न 'बधाई तथा शुभकामना कार्यक्रम' मा लुम्बिनी प्रदेशका नवनिर्वाचित अध्यक्ष शुक्रऋषि चौलागाई र बाँके अध्यक्ष नवीन गिरी लगायत जिल्ला कार्यसमितिलाई टीका, खादा र पुष्पगुच्छासहित बधाई ज्ञापन गरिएको हो । वडा अध्यक्ष बज्राचार्य, समाजसेवी एवम् कांग्रेस नेता दिवाकर गौतम, जेष्ठ नागरिक क्लबका अध्यक्ष अजितकुमार शर्मा, एमाले वडा नम्बर १२ कार्यसमिति अध्यक्ष प्रदिप सापकोटा लगायतले नवनिर्वात पदाधिकारीलाई सम्मान गरेका थिए ।

त्यस अवसरमा बोल्दै वडा अध्यक्ष बज्राचार्यले नवनिर्वाचित कार्यसमितिलाई बधाई ज्ञापन गर्दै सफल कार्यकालका लागि शुभकामना दिए । उनले नेपाल पत्रकार महासंघ बाँकेसंग सहकार्य गरेर जाने प्रतिबद्धता ब्यक्त गरे । पत्रकार महासंघका लुम्बिनी प्रदेश अध्यक्ष चौलागाई र बाँके अध्यक्ष गिरीले स्थानीय सरकारले पत्रकार र मिडियाको विकास तथा प्रबद्र्धनमा हातेमालो गर्नुपर्नेमा जोड दिए ।

कांग्रेस नेता गौतम, जेष्ठ नागरिक क्लबका अध्यक्ष शर्मा र एमाले वडा नम्बर १२ का अध्यक्ष सापकोटाले नवनिर्वाचित कार्यसमितिलाई सफल कार्यकालको शुभकामना दिँदै निष्पक्ष पत्रकारिता गर्न पत्रकारहरुलाई आग्रह गरे । पत्रकार महासंघ बाँकेकी उपाध्यक्ष करुणा शाहले वडा नम्बर १२ संग विगतमा पनि सहकार्य गर्दै आएको बताउँदै आगामी दिनमा सहकार्य गरेर जाने बताइन् । कार्यक्रमको सञ्चालन वडा सचिव नेबलाल घर्तीले गरेका थिए ।

May be an image of 2 people, dais and text