आप्रवासी दिवसमा सचेतनामूलक-अन्तरक्रिया एवम् दीप प्रज्वलन

स्थानीय

गृहपृष्ठ
स्थानीय
आप्रवासी दिवसमा सचेतनामूलक-अन्तरक्रिया एवम् दीप प्रज्वलन

आप्रवासी दिवसमा सचेतनामूलक-अन्तरक्रिया एवम् दीप प्रज्वलन

बुधबार, पुस ३, २०८१ बागेश्वरी पोस्ट

नेपालगञ्ज । सुरक्षित आप्रवासन (सामी) कार्यक्रमले अन्तर्राष्ट्रिय आप्रवासी दिवसको अवसरमा आज नेपालगञ्जमा सरोकारवालासंग सचेतनामूलक-अन्तरक्रिया एवम् दीप प्रज्वलन कार्यक्रम सम्पन्न गरेको छ ।

बैदेशिक रोजगारीमा रहेका ब्यक्तिका घरपरिवारका सदस्यहरुसंग सचेतनामूलक-अन्तरक्रिया गरिएको सामीका कार्यक्रम संयोजक कमलसिंह नेपालीले बताए । बैदेशिक रोजागारीलाई कसरी सुरक्षित, ब्यवस्थित र मर्यादित बनाउन सकिन्छ भन्ने विषयमा बैदेशिक रोजगारीमा रहेका ब्यक्तिका घरपरिवारसंग सचेतनामूलक-अन्तरक्रिया गरिएको नेपालीले जानकारी दिए ।

May be an image of 11 people and people studying

यस्तै दिवसकै अवसरमा साँझ वीपी चोकमा बैदेशिक रोजगारीका क्रममा ज्यान गुमाएकाहरुको सम्झनामा दिवंगत आत्माको चीरशान्तिको कामना गर्दै दीप प्रज्वलन गरिएको हो । कार्यक्रममा उपप्रमुख कमरुद्दिन राई, सामाजिक विकास शाखा प्रमुख कृष्णप्रसाद जोशीको पनि उपस्थिति थियो ।

May be an image of 8 people and text

बैदेशिक रोजगारीमा रहेका कामदार र कामदारका परिवारको उचित संरक्षण गर्ने, गन्तब्य मुलुकमा सुरक्षित र सम्मानजनक रुपमा काम गर्न सक्ने गरी कामदारलाई सूचना, सीप, परामर्श लगायतका सहयोग प्रदान गर्ने, बैदेशिक रोजगारीमा सम्बद्ध निकायहरुको क्षमता अभिबृद्धि गरी बैदेशिक रोजगारलाई थप उपलब्धिमूलक बनाउने उद्देश्यका साथ सामी कार्यक्रम सञ्चालित छ ।

सामी कार्यक्रम नेपाल सरकार र स्वीस सरकारको द्विपक्षीय सम्झौता अन्तर्गत सञ्चालनमा छ । यो कार्यक्रम श्रम, रोजगार तथा सामाजिक सुरक्षा मन्त्रालय र स्थानीय सरकारको नेतृत्वमा कार्यान्वयन भइरहेको छ । कार्यक्रमलाई स्वीस सरकार विकास सहयोगको तर्फबाट हेल्भेटास नेपालले प्राविधिक सहयोग उपलब्ध गराइरहेको छ ।

प्रकाशित मिति: बुधबार, पुस ३, २०८१ २०:२५