'स्वस्थ शरीरका लागि योग र ध्यान अत्यन्तै लाभदायी'

स्थानीय

गृहपृष्ठ
स्थानीय
'स्वस्थ शरीरका लागि योग र ध्यान अत्यन्तै लाभदायी'

'स्वस्थ शरीरका लागि योग र ध्यान अत्यन्तै लाभदायी'

शनिबार, पुस ६, २०८१ बागेश्वरी पोस्ट

नेपालगन्ज । दैनिक जीवन यापनमा व्यस्तताको कारण आफ्नो शरीरको हेरचाहको लागि समय निकाल्न नसक्नेहरुको लागि योग र ध्यान अत्यन्तै लाभदायी हुने बताइएको छ ।

‘विश्वव्यापी सद्भावका लागि आन्तरिक शान्ति’ भन्ने मूल नाराका साथ योग समिति नेपाल र नेपाल चिकित्सक संघ भेरी शाखाको संयुक्त आयोजनामा विश्व ध्यान दिवस मनाउन उपस्थित भएका सहभागीहरुले सो कुरा बताएका हुन् ।

नेपाल चिकित्सक संघ भेरी शाखाका अध्यक्ष तथा बरिष्ठ हाडजोर्नी विशेषज्ञ डा. बिनोद कुमार थापाको अध्यक्षतामा सम्पन्न सो कार्यक्रममा योग समिति नेपालका अध्यक्ष तथा योगगुरु आयुर्वेदाचार्य गिरिराज भट्टराईले मानव जीवनमा योग र ध्यानको महत्वका बारेमा प्रवचन दिएका थिए ।

उनले दैनिक जीवनको व्यस्ततालाई एकै छिन मात्र योग र ध्यानमा परिणत गर्न सके सफल हुनुका साथै निरोगी बन्न निक्कै मद्दत पुग्नेमा जोड दिए । योग र ध्यानले गर्दा विभिन्न खालका नसर्ने रोगहरुबाट समेत मुक्ति पाउन सकिने भएकाले दैनिक व्यस्तताबाट योग र ध्यानका लागि समय निकाल्न उनले आग्रह समेत गरे ।

सो कार्यक्रममा याेग समिति नेपालका याेग प्रशिक्षक, आजीवन सदस्य, साधारण सदस्य, नेपालगन्जका चिकित्सक, नेपालगञ्ज कर्मचारी मिलन केन्द्रका अध्यक्ष गोविन्दप्रसाद पाण्डे लगायत ३०० बढी संख्यामा सहभागिता रहेको योग समिति नेपालका उपाध्यक्ष लोकमाया सुवेदी ‘सुमित्रा’ले जानकारी दिइन् । कार्यक्रम संचालन योग समिति नेपालका सचिव चिरञ्जीवी ज्ञवालीले गरेका थिए ।

प्रकाशित मिति: शनिबार, पुस ६, २०८१ १८:२७