बागेश्वरी मन्दिरमा १००औं श्रृंखलाका रुपमा 'विशेष महाआरती'

संस्कृति-साहित्य

गृहपृष्ठ
संस्कृति-साहित्य
बागेश्वरी मन्दिरमा १००औं श्रृंखलाका रुपमा 'विशेष महाआरती'

बागेश्वरी मन्दिरमा १००औं श्रृंखलाका रुपमा 'विशेष महाआरती'

सोमबार, पुस ८, २०८१ बागेश्वरी पोस्ट

नेपालगञ्ज । बागेश्वरी मन्दिरमा आज विशेष सन्ध्याकालीन महाआरती गरिएको छ ।

१००औं श्रृंखलाका रुपमा भब्य महाआरती गरिएको हो । नेपालगञ्ज उपमहानगरपालिकाका प्रमुख प्रशान्त विष्ट, प्रमुख जिल्ला अधिकारी खगेन्द्र प्रसाद रिजाल, बागेश्वरी मन्दिरका मूल महन्त चन्द्रनाथ यागी लगायत सयौं ब्यक्ति महाआरतीमा सरिक थिए । २०७९ माघ १६ गते सोमबारबाट बागेश्वरी मन्दिरमा सन्ध्याकालीन महाआरती सुरु भएको थियो ।

महाआरती पूर्व महाआरती सञ्चालनार्थ सहयोग गरेका सम्पूर्ण संघसंस्था, सरोकारवाला व्यक्तित्व, कर्तालगायत नेपाल पत्रकार महासंघका नवनिर्वाचित पदाधिकारी एवम् सदस्यहरुलाई सम्मान गरिएको थियो । बागेश्वरी मन्दिर गुठी व्यवस्थापन समितिका कार्यबाहक अध्यक्ष ओम प्रकाश अजाद, सचिव गोपाल प्रसाद अधिकारी, सदस्य उमा थापा मगर लगायत पदाधिकारीले विभिन्न ब्यक्तित्वहरुलाई सम्मान गरेका थिए ।

धार्मिक पर्यटन प्रबद्र्धन गर्ने उद्देश्यले सञ्चालित महाआरतीको दिगोपनाको लागि स्रोत सुनिश्चित गर्ने गरी गृहकार्य भइरहेको महाआरती सञ्चालन तथा व्यवस्थापन उपसमिति संयोजक सुनिलसिंह हमालले बताए ।

प्रकाशित मिति: सोमबार, पुस ८, २०८१ २१:०४

प्रतिक्रिया दिनुहोस्