इन्जिनियरिङ पढ्ने विद्यार्थीको चक्कु प्रहारबाट हत्या, ३ जना पक्राउ

सुरक्षा-अपराध

गृहपृष्ठ
सुरक्षा-अपराध
इन्जिनियरिङ पढ्ने विद्यार्थीको चक्कु प्रहारबाट हत्या, ३ जना पक्राउ

इन्जिनियरिङ पढ्ने विद्यार्थीको चक्कु प्रहारबाट हत्या, ३ जना पक्राउ

मंगलबार, पुस ९, २०८१ बागेश्वरी पोस्ट

काठमाडौं । ललितपुरस्थित हिमालय कलेजमा बीई चौथो सेमेस्टरमा इन्जिनियरिङ पढ्दै गरेका एक जना विद्यार्थीको चक्कु प्रहारबाट हत्या भएको छ ।

ललितपुरको च्यासलस्थित टाउन हब रेस्टुरेन्टमा सामान्य विवाद हुँदा रेस्टुरेन्टकै कर्मचारीले २३ वर्षीय नयन गुरुङलाई चक्कु प्रहार गरेर हत्या गरेको जिल्ला प्रहरी परिसर ललितपुरले जनाएको छ ।

साथीहरुसँग गएराति रेस्टुरेन्टमा आएका नयनलाई डडेलधुरा घर भएका रेस्टुरेन्टका २६ वर्षीय कर्मचारी हेमराज भट्टले चक्कु प्रहार गरेर हत्या गरेको ललितपुर प्रहरी परिसरले जानकारी दिएको छ ।

बिल तिर्ने बेला डिस्काउन्ट माग्ने क्रममा विवाद हुँदा हेमराजले एकाएक नयनमाथि काउन्टरमा रहेको चक्कु प्रहार गर्दा उनको मृत्यु भएको प्रहरीले जनाएको छ । चक्कु प्रहार गरेर नयनको हत्या गर्ने हेमराजलाई प्रहरीले तत्कालै साढे ९ बजे राति पक्राउ गरेको ललितपुर प्रहरीले जानकारी दिएको छ ।

ललितपुर प्रहरीले घटनाबारे थप अनुसन्धान अगाडि बढाएको जनाएको छ भने प्रहरीले हेमराजसँगै काभ्रेका २२ वर्षीय जनक तामाङ र दार्चुलाका ४१ वर्षीय पदमलाल भट्टलाई पनि पक्राउ गरेको छ ।

प्रकाशित मिति: मंगलबार, पुस ९, २०८१ १२:५१