बसले थिच्दा सशस्त्रका इन्स्पेक्टरको मृत्यु

सुरक्षा-अपराध

गृहपृष्ठ
सुरक्षा-अपराध
बसले थिच्दा सशस्त्रका इन्स्पेक्टरको मृत्यु

बसले थिच्दा सशस्त्रका इन्स्पेक्टरको मृत्यु

बुधबार, पुस १७, २०८१ बागेश्वरी पोस्ट

नेपालगन्ज । बसले थिचेर सशस्त्र प्रहरी निरीक्षक (इन्सपेक्टर) को मृत्यु भएको छ ।

तीव्रगतिमा रहेको यात्रुवाहक बसले सर्लाहीस्थित बलरा नगरपालिका–९, छतौना बोर्डर आउट पोष्ट (बिओपी) मा ड्युटीमा रहेका इन्सपेक्टर विजयकुमार तुलाधरलाई थिच्दा उनको मृत्यु भएको छ ।

गएराति बागमती प्रदेश-१–००६ख २००४ नम्बरको यात्रीबसले तुलाधरलाई थिचेको थियो । बसले थिचेर गम्भीर घाइते भएका निजको उपचारका लागि प्रादेशिक अस्पताल मलङ्गवा लैजाँदा बाटोमा नै मृत्यु भएको सशस्त्र प्रहरी उपरीक्षक विनोदराज खनालले जानकारी दिए ।

उक्त बस बिओपीकै गेट अगाडि पल्टिएको थियो । प्रहरीले घटनास्थलबाट बस र चालकलाई पक्राउ गरेको छ ।

प्रकाशित मिति: बुधबार, पुस १७, २०८१ ०८:३१

प्रतिक्रिया दिनुहोस्