नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

स्थानीय

गृहपृष्ठ
स्थानीय
नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

नेपालगञ्ज उपमहानगरपालिकाद्वारा निःशुल्क लोक सेवा तयारी कक्षा सञ्चालन

बिहीबार, पुस १८, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले निःशुल्क लोक सेवा तयारी कक्षा सञ्चालन गरेको छ । ध्रुबतारा एजुकेशन प्रालिसंग सम्झौता गरेर आजदेखि चार महिने तयारी कक्षा सञ्चालन गरिएको हो ।

लोक सेवा आयोगद्वारा सञ्चालन हुने अप्राविधिक सेवातर्फ नायब सुब्बा र खरिदार पदको लिखित परीक्षाको पूर्व तयारी कक्षा सुरु गरिएको सामाजिक विकास शाखा प्रमुख कृष्णप्रसाद जोशीले बताए । उनका अनुसार चार महिनासम्म दैनिक सवा २ घण्टा कक्षा सञ्चालन हुनेछ । २७ जनाले खरिदार र ४६ जनाले नायब सुब्बाको तयारी कक्षाका लागि आवेदन दिए बमोजिम कक्षा सञ्चालन गरिएको जोशीले जानकारी दिए । सम्बन्धित क्षेत्रका विज्ञहरु समेतले कक्षा लिने गरी ब्यवस्था मिलाइएको छ । नेपालगञ्ज उपमहानगरपालिकाले प्रत्येक बर्ष लोक सेवा तयारी कक्षा सञ्चालन गर्दै आएको छ ।

पूर्व तयारी कक्षा सञ्चालन शुभारम्भ कार्यक्रममा नेपालगञ्ज उपमहानगरपालिकाका प्रमुख प्रशासकीय अधिकृत ओम बहादुर खड्का, नगर कार्यपालिका सदस्यद्वय बसन्त कुमार कनोजिया र मुजम्मिल हुसेन हलवाई, सामाजिक विकास शाखा प्रमुख जोशी, जिल्ला अदालत बाँकेका शाखा अधिकृत प्रेम रेग्मी लगायतको उपस्थिति थियो ।

May be an image of 8 people, people studying and table