१५१ फिट अग्लो शिव प्रतिमा बनाउँदै डुडुवा गाउँपालिका

स्थानीय

गृहपृष्ठ
स्थानीय
१५१ फिट अग्लो शिव प्रतिमा बनाउँदै डुडुवा गाउँपालिका

१५१ फिट अग्लो शिव प्रतिमा बनाउँदै डुडुवा गाउँपालिका

शनिबार, पुस २०, २०८१ बागेश्वरी पोस्ट

नेपालगञ्ज । बाँकेको डुडुवा गाउँपालिकाले धार्मिक पर्यटन प्रबद्र्धनका लागि रणनीतिक कार्ययोजनाका साथ काम सुरु गरेको छ । गाउँपालिका अन्तर्गत विभिन्न स्थानमा पर्यापर्यटनको सम्भावनालाई खोजी गर्दै विकास गर्न थालिएको हो ।पालिकामा रहेका विभिन्न मठ मन्दिर, मस्जिद, चर्च, वन क्षेत्र, राप्ती नदी तथा डुडुवा नाला लगायत स्थानमा विभिन्न पर्यटन क्षेत्रको विकासका लागि दीर्घकालीन योजना अघि सारिएको गाउँपालिका अध्यक्ष नरेन्द्रकुमार चौधरीले बताए । उनका अनुसार पर्यटकीय दृष्टिकोणले डुडुवालाई पहिचान गराउनका लागि पर्यटनसंग जोडेर विभिन्न परियोजना सञ्चालन गरिएको छ ।

यसैक्रममा डुडुवामा देशकै सबैभन्दा अग्लो १ सय ५१ फिटको शिव प्रतिमा ९स्ट्याचु अफ शिव० बनाउन सुरु गरिएको छ । डुडुवा गाउँपालिका वडा नम्बर २ स्थित रामनगर पाझामा शिव प्रतिमा निर्माण गर्नका लागि पहिलो चरण अन्तर्गत बाउण्ड्री (वाल) निर्माण गर्न शिलान्यास गरिएको छ । एक कार्यक्रमका बीच गाउँपालिका अध्यक्ष चौधरीले शिलान्यास गर्दै डुडुवामा शिव प्रतिमा बनाउने कार्य वर्षौंदेखिको योजना बल्ल कार्यान्वयनमा आएको बताए । उनले जग्गाको अभावमा राप्ती नदी पुल नजिक उक्त योजना सफल हुन नसकेपछि रामनगर पाझामा रहेको ऐलानी जमिनलाई प्रयोगमा ल्याएर धार्मिक पर्यटनको विकास गर्न थालिएको बताए । करीब २७ विगाह जग्गामा बृहत्तर रुपमा पर्यटन क्षेत्रको दीर्घकालीन प्रोजेक्ट सञ्चानल गरी कार्यान्वयनमा ल्याइएको अध्यक्ष चौधरीले बताए । वडा नम्बर २ मा पर्यटनको थुप्रै सम्भावना रहेकाले यो परियोजनाले डुडुवालाई चिनाउने वडा अध्यक्ष दुर्गाप्रसाद बर्माले बताए ।

गाउँपालिकाको क्रमागत योजना अन्तर्गत रु। १ करोड ४ लाख ६१ हजार ६ सय २१ (भ्याटबाहेक) को लागतमा बाउण्ड्री वाल लगाउने गरी कोहलपुर–११ स्थित दिपक विल्डर्सले ठेक्का पाएको गाउँपालिकाका प्राविधिक शाखा प्रमुख इन्जिनियर सुरेन्द्र कुमार बर्माले बताए । उनका अनुसार चालू आर्थिक बर्षको असार मसन्तसम्म बाउण्ड्री वाल निर्माणको काम सम्पन्न गर्ने गरी सम्झौता भएको छ ।

प्रकाशित मिति: शनिबार, पुस २०, २०८१ १८:०२