पत्रकार महासंघमा नवनिर्वाचितलाई खजुरा गाउँपालिकाको सम्मान

स्थानीय

गृहपृष्ठ
स्थानीय
पत्रकार महासंघमा नवनिर्वाचितलाई खजुरा गाउँपालिकाको सम्मान

पत्रकार महासंघमा नवनिर्वाचितलाई खजुरा गाउँपालिकाको सम्मान

आइतबार, पुस २१, २०८१ बागेश्वरी पोस्ट

खजुरा (बाँके) । खजुरा गाउँपालिकाले नेपाल पत्रकार महासंघमा नवनिर्वाचितहरुलाई बधाई ज्ञापन गर्दै सम्मान गरेको छ । खजुरा गाउँपालिकाले गाउँसभाको १६औं अधिवेशनमा पत्रकार महासंघ लुम्बिनीमा बाँकेबाट नवनिर्वाचित पदाधिकारी तथा जिल्ला कार्यसमितिलाई बधाई ज्ञापन गर्दै सम्मान गरेको हो । गाउँपालिका अध्यक्ष डम्बर बहादुर विक (तुफान), उपाध्यक्ष मञ्जु मल्ल र प्रमुख प्रशासकीय अधिकृत बस बहादुर रानाले अबिर र खादा लगाई सम्मानपत्रका साथ सम्मान गरेका थिए ।

May be an image of 3 people, dais and text

त्यस अवसरमा बोल्दै गाउँपालिका अध्यक्ष तुफानले संस्थागत सहकार्यका लागि आफूहरु प्रतिबद्ध रहेको बताउँदै पत्रकार महासंघको संस्थागत विकास तथा पत्रकार, पत्रकारिता र समग्र मिडिया प्रबद्र्धनका लागि हातेमालो गर्ने बताए । उनले गाउँपालिकाको मिडिया नीति बनाउने काम अन्तिम चरणमा पुगेको जानकारी समेत दिए । उनले पत्रकार र स्थानीय सरकारबीच नंग र मासुको सम्बन्ध रहेको चर्चा गरे ।

May be an image of 2 people and text

नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाईले स्थानीय मिडियालाई प्रबद्र्धन गर्ने गरी काम गर्न सुझाब दिए । स्थानीय सरकारलाई मिडिया र मिडियाकर्मीलाई हेर्ने दृष्टिकोण बदल्न पनि उनले आग्रह गरे । बाँके शाखा अध्यक्ष नवीन गिरीले पत्रकार महासंघको संस्थागत विकास, पत्रकारहरुको बृत्ति विकास तथा क्षमता अभिबृद्धि र मिडियाहरुको संरक्षण तथा सम्बद्र्धनमा स्थानीय सरकारको नाताले खजुरा गाउँपालिकालाई अभिभावकीय भूमिका निर्वाह गर्न आग्रह गरे । उनले पत्रकार महासंघ खजुरा गाउँपालिकासंग संस्थागत सहकार्य गर्न आतुर रहेको बताए ।

May be an image of 3 people and text

उपाध्यक्ष मल्लले स्वागत मन्तब्य ब्यक्त गरेको कार्यक्रमको सञ्चालन वडा नम्बर २ का वडा अध्यक्ष एवम् प्रबक्ता धनराम वलीले गरेका थिए । कार्यक्रममा लुम्बिनी प्रदेश अध्यक्ष चौलागाई, सचिव गोविन्द शर्मा, बाँके अध्यक्ष गिरी, उपाध्यक्ष करुणा शाह, सचिव कृष्ण वली, सहसचिव भगतराम थारु, कोषाध्यक्ष सुनिल रेग्मी, सदस्यहरु रविन्द्र घिमिरे, पहल केसी, शम्भु थारु, आशा परियार, सलामत अलि शेष तथा प्रदेश पार्षद हरि अधिकारीले सम्मानपत्र ग्रहण गरेका थिए ।

May be an image of 3 people, dais and text May be an image of 6 people, dais and text May be an image of 2 people, dais and text May be an image of 4 people, dais and text May be an image of 5 people, dais and text