नेपालगञ्जमा रेबिज रोग सम्बन्धि अन्तरक्रिया गोष्ठी सम्पन्न

स्थानीय

गृहपृष्ठ
स्थानीय
नेपालगञ्जमा रेबिज रोग सम्बन्धि अन्तरक्रिया गोष्ठी सम्पन्न

नेपालगञ्जमा रेबिज रोग सम्बन्धि अन्तरक्रिया गोष्ठी सम्पन्न

आइतबार, पुस २१, २०८१ बागेश्वरी पोस्ट

नेपालगञ्ज । नेपालगञ्जमा सरोकारवालासंग रेबिज रोग सम्बन्धि अन्तरक्रिया गोष्ठी सम्पन्न भएको छ । नेपालगञ्ज उपमहानगरपालिका आर्थिक विकास समिति अन्तर्गत पशु सेवा शाखाले आज सरोकारवालासंग रेबिज रोग सम्बन्धि अन्तरक्रिया गोष्ठी गरेको हो ।

विभिन्न वडाका २० जना सहभागी अन्तरक्रिया कार्यक्रममा कुखुरा विकास फार्म खजुराका फार्म प्रबन्धक डा.सुमन खनालले रेबिज रोग, यसको जोखिम, बच्ने तरिका, रेबिज विरुद्धको खोपको आवश्यकता र प्रभावकारिता लगायतका विषयमा जानकारी गराएका थिए । गोष्ठीमा आर्थिक विकास समिति संयोजक एवम् वडा नम्बर ४ का वडा अध्यक्ष गोपाल पुनले सर्वसाधारणका लागि रेबिजबारेको सचेतना अति आवश्यक रहेको भन्दै यस प्रकारका गोष्ठी निरन्तर हुनुपर्ने बताए ।

पशु सेवा शाखा प्रमुख लक्ष्मी शाहीले रेबिज रोगबारे सचेतना प्रबद्र्धन गर्ने उद्देश्यले गोष्ठी आयोजना गरेको बताइन् । गोष्ठीमा आर्थिक विकास समिति सदस्य संगिता रेग्मी, पशु स्वास्थ्य प्राविधिक अच्युत गौतम, पशु चिकित्सक आशिष थारु लगायतको उपस्थिति थियो ।

प्रकाशित मिति: आइतबार, पुस २१, २०८१ २०:०२

प्रतिक्रिया दिनुहोस्