राप्तीसोनारीमा अर्को दुर्घटना, दुई जना घाइते

स्थानीय

गृहपृष्ठ
स्थानीय
राप्तीसोनारीमा अर्को दुर्घटना, दुई जना घाइते

राप्तीसोनारीमा अर्को दुर्घटना, दुई जना घाइते

बुधबार, माघ २, २०८१ बागेश्वरी पोस्ट

नेपालगन्ज । बाँकेको राप्तीसोनारीमा भएको अर्को सवारी दुर्घटनामा दुई जना युवक घाइते भएका छन् ।

राप्तीसोनारी गाउँपालिका-६ फत्तेपुर ढलैया जङ्गलमा मोटरसाइकल पिकअप भ्यानसँग ठोक्किँदा स्थानीय दुई युवक घाइते भएको जिल्ला ट्राफिक प्रहरी पोष्ट फत्तेपुरले जानकारी दिएको छ ।

मंगलबार राति ८ बजेतिर राप्तीसोनारी-४ बैजापुरदेखि फत्तेपुरतर्फ आउँदै गरेको भे ४ प ४७६५ नम्बरको मोटरसाइकल भे १ च ३५२६ नम्बरको पिकअप भ्यानमा ठोक्किँदा फत्तेपुर बम्लहाका ३० वर्षीय घनश्याम चलाउने र पछाडि सवार पप्पु बिक घाइते भएका छन् ।

दुर्घटनामा गम्भीर घाइते अवस्थामा रहेका दुबै जनालाई तत्कालै उपचारका लागि नेपालगन्ज नर्सिङ होममा लगिएको ट्राफिक प्रहरीले जनाएको छ । उपचाररत दुबै जना अहिले खतरामुक्त रहेको जनाइएको छ ।

पिकअप भ्यानलाई गएराति नै प्रहरीले नियन्त्रणमा लिए पनि चालक फरार छन् । तीब्र गतिका कारण दुर्घटना भएको बताइएको छ ।

सोही सडक खण्डमा केही समय पहिला पाँच जनाको मोटरसाइकल दुर्घटनामा मृत्यु भइसकेको छ भने गएराति नै फत्तेपुरमै बस र मोटरसाइकल ठोक्किँदा दुई युवकको मृत्यु भएको थियो ।

प्रकाशित मिति: बुधबार, माघ २, २०८१ १३:२७

प्रतिक्रिया दिनुहोस्