चौलागाईंलाई राजापुरमा सम्मान

स्थानीय

गृहपृष्ठ
स्थानीय
चौलागाईंलाई राजापुरमा सम्मान

चौलागाईंलाई राजापुरमा सम्मान

बुधबार, माघ २, २०८१ बागेश्वरी पोस्ट

नेपालगन्ज । नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाईंलाई आज राजापुरमा सम्मान गरिएको छ । नेपाल पत्रकार महासंघको मंसिर २८ गते सम्पन्न निर्वाचनमा लुम्बिनी प्रदेश कार्यसमितिको अध्यक्षमा निर्वाचित अध्यक्ष चौलागाईंलाई राजापुर -८ स्थित आफ्नै गाउँ धोबिनपुरमा बधाई ज्ञापन गर्दै सफल कार्यकालको शुभकामनासहित सम्मान गरिएको हो ।

६ वटा गाउँको प्रतिनिधित्व गर्ने कर्णाली युवा क्लब र जालपा सेवा समितिको संयोजनमा स्थानीय भद्र-भलादमी, नागरिक अगुवाले फूलमाला, दोसल्ला र सम्मान पत्रसहित सम्मान गरेका हुन् । राजापुर -८ ओस्ताजपुर निवासी चौलागाईं २०५६ सालदेखि निरन्तर पत्रकारितामा कृयाशील छन् ।पत्रकारितामार्फत राजापुर क्षेत्रको विविध सवाल र मुद्दा उठान, राजापुरको समग्र विकास तथा उत्थान र राजापुर क्षेत्रको नाम र मान बढाएको भन्दै चौलागाईंलाई उच्च कदरसहित सम्मानपत्र प्रदान गरिएको हो ।

प्रमुख अतिथि एवं सम्मानित ब्यक्तित्व चौलागाईंले राजापुर क्षेत्रको समग्र हित र विकासमा सदैव कलम चलाउँदै आएको स्मरण गर्दै सम्मानले पदीय दायित्व निर्वाह गर्न थप उर्जा मिलेको बताए । राजापुर क्षेत्रका पत्रकार र पत्रकारिताको विकासका लागि महासंघबाट बिशेष कार्यक्रम ल्याउन पर्यत्न गर्ने पनि उनले बिश्वास दिलाए । सोही समारोहमा नेपाल पत्रकार महासंघ बर्दिया शाखा सदस्यमा निर्वाचित ऋषि वाग्ले, प्रेस सेन्टर बर्दियाका नवनिर्वाचित अध्यक्ष गान्दिप कायस्थलाई पनि सम्मान गरिएको थियो ।

जालपा सेवा समितिका अध्यक्ष केशवराज जैसीको अध्यक्षता भएको कार्यक्रममा वडा ८ का निवर्तमान अध्यक्ष चिन्तामणि आचार्य, जेष्ठ नागरिकका तर्फबाट पूर्ब प्रधानाध्यापक राम प्रसाद चौलागाईं, भेरी मावि बिद्यालय ब्यवस्थापन समितिका अध्यक्ष राम प्रसाद ढुंगाना, शिक्षक शिवलाल चौलागाईं लगायतले शुभकामना व्यक्त गरेका थिए । कार्यक्रमको संचालन शिक्षक पदमऋषि चौलागाईंले गरेका थिए ।

प्रकाशित मिति: बुधबार, माघ २, २०८१ १९:०६

प्रतिक्रिया दिनुहोस्