पेस्तोलसहित भारतीय युवक सशस्त्र प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
पेस्तोलसहित भारतीय युवक सशस्त्र प्रहरीको नियन्त्रणमा

पेस्तोलसहित भारतीय युवक सशस्त्र प्रहरीको नियन्त्रणमा

सोमबार, माघ ७, २०८१ बागेश्वरी पोस्ट

काठमाडौं । नेपाल-भारत सीमा नाकाबाट सशस्त्र प्रहरीले अटोमेटिक आधुनिक पेस्तोलसहित एक भारतीय युवकलाई पक्राउ गरेको छ ।

सशस्त्र प्रहरी बल नम्बर ११ गण रौतहटको टोलीले बिहारको पूर्वी चम्पारण मोतिहारीका २६ वर्षीय धनञ्जय कुमार झालाई गएराति अटोमेटिक पेस्तोल र गोलीसहित पक्राउ गरेको हो । सशस्त्र प्रहरीका अनुसार झाको साथबाट पेस्तोलसहित एउटा म्यागेजिन र ७.६५ एम एमको ४ राउण्ड गोली बरामद गरिएको हो ।

सशस्त्र प्रहरीले ईशनाथ नगरपालिका-४ लतमरी मठियाबाट खटिएको सशस्त्र प्रहरीको टोलीले लतमरी सीमा नजिकै होटलमा खाजा खाइरहेका शङ्कास्पद ३ जना व्यक्तिहरूलाई चेकजाँच गर्ने क्रममा दुई जना व्यक्तिहरू तत्कालै फरार भएको थिए भने झालाई पेस्तोलसहित पक्राउ गरिएको सशस्त्र प्रहरीले जनाएको छ ।

सशस्त्र प्रहरीले बरामद गरेको पेस्तोल, गोली र झासहित उनले चलाएको बीआर ०५ बी डी १२२४ नम्बरको अपाचे मोटरसाइकललाई आवश्यक अनुसन्धान लागि गएराती नै जिल्ला प्रहरी कार्यालय रौतहटमा पठाइएको सशस्त्र प्रहरीले जानकारी दिएको छ ।

प्रकाशित मिति: सोमबार, माघ ७, २०८१ ०९:४०

प्रतिक्रिया दिनुहोस्