नेपालगञ्जमा बिहीबारदेखि प्रादेशिक महोत्सव, प्रचण्डले उद्घाटन गर्ने

अर्थ

गृहपृष्ठ
अर्थ
नेपालगञ्जमा बिहीबारदेखि प्रादेशिक महोत्सव, प्रचण्डले उद्घाटन गर्ने

नेपालगञ्जमा बिहीबारदेखि प्रादेशिक महोत्सव, प्रचण्डले उद्घाटन गर्ने

मंगलबार, माघ ८, २०८१ बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघले बिहीबारदेखि नेपालगञ्जमा आयोजना गर्न लागेको प्रादेशिक महोत्सव २०८१ को तयारी पूरा भएको छ । आज नेपालगञ्जमा आयोजना गरेको पत्रकार सम्मेलनमा संघका अध्यक्ष टंकबहादुर धामीले महोत्सवको सम्पूर्ण तयारी पूरा भएको जानकारी दिए । महोत्सवको पूर्व प्रधानमन्त्री पुष्पकमल दाहाल ‘प्रचण्ड’ ले उद्घाटन गर्ने कार्यक्रम छ ।

महोत्सवमा खर्च १ करोड हुँदा करीब ५० लाख रूपैयाँ आम्दानी हुने अनुमान गरिएको छ । करीब ३ लाख जनाले मेला अवलोकन गर्ने अपेक्षा गरिएको छ । सांस्कृतिक समितिका संयोजक मख्खन धामीले महोत्सवमा ख्यातीप्राप्त राष्ट्रिय कलाकार तथा स्थानीय कलाकारको गीत, नृत्य, लाइभ दोहोरी र हास्यब्यङ्गसहितको सांस्कृतिक प्रस्तुति रहने बताए ।

महोत्सवमा लुम्बिनी, कर्णाली र सुदूरपश्चिम प्रदेशमा उत्पादित खाद्यवस्तु र जडीबुटी, कृषि, पर्यटन, अटो मोबाइल्सलका गरी ३५० वटा स्टल हुने रहने संघका प्रवक्ता तथा महोत्सव प्रचारप्रसार समिति संयोजक डम्बरबहादुर चन्द बताउँछन् । महोत्सव अवलोकन गर्न विद्यार्थीलाई ७० रुपैयाँ र सर्वसाधारणका लागि १०० रुपैयाँको टिकटको ब्यवस्था गरिएको छ ।

प्रकाशित मिति: मंगलबार, माघ ८, २०८१ १९:०८

प्रतिक्रिया दिनुहोस्