कोहलपुर नगरपालिकालाई २० थान ट्रि गार्ड सहयोग

स्थानीय

गृहपृष्ठ
स्थानीय
कोहलपुर नगरपालिकालाई २० थान ट्रि गार्ड सहयोग

कोहलपुर नगरपालिकालाई २० थान ट्रि गार्ड सहयोग

बिहीबार, माघ १०, २०८१ बागेश्वरी पोस्ट

कोहलपुर । राष्ट्रिय बाणिज्य बैंक कोहलपुर शाखाले कोहलपुर नगरपालिकालाई २० थान ट्रि गार्ड उपलब्ध गराएको छ । कोहलपुर नगरपालिकाले नगरलाई हरियाली बनाउन अभियान नै थालेको छ । नगरका अधिकांश ठाउँमा बोटविरुवाहरु रोपेर नगरलाई सफा, सुन्दर र हरियाली बनाइरहेको छ ।

कोहलपुर नगरपालिकाको हरित अभियानलाई संघाउ पुर्याउन ट्रि गार्ड उपलब्ध गराएको शाखा प्रमुख चिरञ्जीवी गिरीले बताए । बैंकको वार्षिकोत्सवको अवसर पारेर आज नगरपालिकालाई ट्रि गार्ड सहयोग गरेको गिरीले बताए । लगाइएको बोटविरुवाहरुको संरक्षणमा सहयोग पुगोस् भनेर कोहलपुर नगरपालिकालाई २० थान ट्रि गार्ड उपलब्ध गराइएको शाखा प्रमुख गिरीको भनाई छ ।

त्यसक्रममा नगर प्रमुख पुर्ण प्रसाद आचार्यले कोहलपुर नगरपालिकाको हरित नगर अभियानमा बैंकले गरेको सहयोग अत्यन्तै महत्वपूर्ण र उपयोगी भएको बताए । उनले रोपिएको बोटविरुवाहरुको संरक्षण गर्ने दायित्व स्थानीयबासीको समेत रहेको उल्लेख गरे । सबैको सहकार्य र समन्यका माध्यमबाट मात्रै कोहलपुरलाई हरियाली र सुन्दर सहर बनाउन सकिने नगर प्रमुख आचार्यको भनाई थियो ।

कोहलपुर नगरपालिकाले चालू आर्थिक वर्षमा ८ हजार बोटविरुवाहरु रोपेको र अहिले हुर्किने क्रममा रहेको नगर प्रहरी प्रमुख वीरबहादुर थापाले बताए । छाडा पशुचौपायाका कारण रोपिएका विरुवाहरुको संरक्षण चुनौतीपूर्ण बनिरहेका बेला ट्रि गार्ड सहयोग गरेर बैंक संरक्षणमा सहयोगी बनेको बताए ।

प्रकाशित मिति: बिहीबार, माघ १०, २०८१ १९:५०

प्रतिक्रिया दिनुहोस्