महाराष्ट्र रेल दुर्घटनामा मृत्यु भएका सात जना नेपाली मध्ये एक जना बाँकेका

स्थानीय

गृहपृष्ठ
स्थानीय
महाराष्ट्र रेल दुर्घटनामा मृत्यु भएका सात जना नेपाली मध्ये एक जना बाँकेका

महाराष्ट्र रेल दुर्घटनामा मृत्यु भएका सात जना नेपाली मध्ये एक जना बाँकेका

शुक्रबार, माघ ११, २०८१ बागेश्वरी पोस्ट

नेपालगञ्ज । भारतको महाराष्ट्र राज्यस्थित जलगाउँ जिल्लाको परधाडे स्टेशन नजिकै भएको रेल दुर्घटनामा मृत्यु भएका सात जना नेपाली मध्ये एक जना बाँकेका रहेका छन् । परराष्ट्र मन्त्रालयले भारतको महाराष्ट्र रेल दुर्घटनामा मृत्यु भएका सात जना नेपाली नागरिकको सनाखत भएको जनाएको छ ।

मृतकहरु सुदूरपश्चिम र लुम्बिनी प्रदेशका रहेका छन् । मृत्यु हुनेहरुमा बाँकेको डुडुवा गाउँपालिकाका राधेश्याम राध पनि रहेको जनाइएको छ । यस्तै कैलालीका कमला नवीन भण्डारी, लछिराम पासी, अछामका हिमु नन्द्रराम, विश्वकर्मा, नन्दराम पद्य विश्वकर्मा, मौसरा कामी विश्वकर्मा, जोक्ला कला कामी रहनुभएको छ ।

दुर्घटनामा ४ जना नेपाली घाइते भएका छन् भने एक जनाको अवस्था गम्भीर रहेको जनाइएकाृे छ । घाइतेहरुको महाराष्ट्रको जलगाउँ अस्पतालमा उपचार भइरहेको परराष्ट्र मन्त्रालयले जनाएको छ ।

माघ ९ गते साँझ महाराष्ट्रको जलगाउँ जिल्लामा भएको रेल दुर्घटनामा ७ जना नेपाली र ५ जना भारतीय नागरिकको मृत्यु भएको थियो ।

प्रकाशित मिति: शुक्रबार, माघ ११, २०८१ १७:४७

प्रतिक्रिया दिनुहोस्