ब्रह्माकुमारी ईश्वरीय विश्वविद्यालयद्वारा स्वागत, सम्मान र स्नेह मिलन

स्थानीय

गृहपृष्ठ
स्थानीय
ब्रह्माकुमारी ईश्वरीय विश्वविद्यालयद्वारा स्वागत, सम्मान र स्नेह मिलन

ब्रह्माकुमारी ईश्वरीय विश्वविद्यालयद्वारा स्वागत, सम्मान र स्नेह मिलन

शनिबार, माघ १२, २०८१ बागेश्वरी पोस्ट

नेपालगञ्ज । कोहलपुरस्थित ब्रह्मकुमारी ईश्वरीय विश्वविद्यालय एवम् राजयोग प्रशिक्षण केन्द्र शाखा कार्यालयले कोहलपुर उद्योग वाणिज्य संघका नवनिर्वाचित कार्यसमितिसहित बरिष्ठ साहित्यकार कथाकार विष्णु पादुका र भूमि समस्या समाधान आयोग बाँकेका अध्यक्ष घननाथ खनाललाई सम्मान गरेको छ ।

संस्थाका केन्द्रीय उपाध्यक्ष एवं क्षेत्रीय प्रमुख बह्माकुमारी दुर्गाको अध्यक्षता एवम् भूमि तथा समस्या समाधान आयोग बाँकेका अध्यक्ष खनालको प्रमुख आतिथ्यतामा कोहलपुर उद्योग वाणिज्य संघका नवनिर्वाचित कार्यसमितिका अध्यक्ष प्रदिप भट्टराई, पूर्व अध्यक्ष एवं सल्लाहकार चक्र बहादुर अधिकारीसहित सम्पूर्ण पदाधिकारी, सदस्य लगायतलाई अबिर, माला र खादा लगाएर सम्मान गर्दै बधाई ज्ञापन गरेकी थिइन् । उनले मायाको चिनो समेत प्रदान गरेकी थिइन् ।

त्यस अवसरमा बोल्दै ब्रह्मकुमारी दुर्गाले असल र नवीनतम् काम गर्ने सफलता प्राप्त होस् भन्दै शुभकामना ब्यक्त गरिन् । ध्यान, योग र साधनाले अलौकिक शान्ति प्राप्त हुने बताउँदै उनले व्यापारीहरुको जीवन निकै ब्यस्त हुने भएकाले तनाब र दबाबबाट मुक्त हुन ध्यान आवश्यक रहेकोमा जोड दिएकी थिइन् । पूर्व अध्यक्ष एवं सल्लाहकार अधिकारी, डिस होम बाह्रखरी कथा प्रतियोगितामा यस वर्षको देश विदेशका ९३६ कथाकारहरुलाई पछि पार्दै रु. १ लाखसहित प्रथम पुरस्कारले सम्मानित वरिष्ठ साहित्यकार कथाकार पादुका, कोहलपुर उद्योग बाणिज्य संघ अध्यक्ष भट्टराई र भूमि समस्या समाधान आयोग बाँके अध्यक्ष खनालले संस्थाले गरेको स्वागत सम्मान, व्यवस्थापनको सराहना गर्दै वर्तमान समयमा योग र साधना आवश्यकताको महसुस भएको, आध्यात्मिकता र नैतिक ज्ञानका लागि ईश्वरीय विश्वविद्यालय निरन्तर लागिपरेको चर्चा गर्दै यो सम्मानले आफूहरुलाई सत्मार्ग र सत्कर्ममा हिंड्न प्रेरित गर्ने बताएका थिए ।

अध्यक्ष भट्टराईले सम्पूर्ण व्यापारी उद्योगीहरुका लागि ईश्वरीय विश्वविद्यालयसंग सहकार्य गरी विशेष ध्यान, उत्प्रेरणाका कार्यक्रम गरेर लाभान्वित हुने चाहना व्यक्त गरेका थिए । संस्थाका सचिव ब्रह्माकुमार कृष्ण बहादुर रानाभाटले स्वागत मन्तब्यसहित कविता वाचन, ब्रहमकुमारी संगिताद्वारा नृत्य प्रस्तुत गरिएको कार्यक्रमको सञ्चालन ब्रह्माकुमारी मुनाले गरेकी थिइन् ।

प्रकाशित मिति: शनिबार, माघ १२, २०८१ २०:४८

प्रतिक्रिया दिनुहोस्