प्रस्तावित पन्नालाल चोकमा प्रेस युनियनद्वारा दीप प्रज्ज्वलन

स्थानीय

गृहपृष्ठ
स्थानीय
प्रस्तावित पन्नालाल चोकमा प्रेस युनियनद्वारा दीप प्रज्ज्वलन

प्रस्तावित पन्नालाल चोकमा प्रेस युनियनद्वारा दीप प्रज्ज्वलन

मंगलबार, माघ १५, २०८१ गौरब गिरी

नेपालगञ्ज । नेपाल प्रेस युनियन बाँकेले नेपाल प्रेस युनियनका संस्थापक 'प्रेस स्वतन्त्रता सेनानी' स्वर्गीय पन्नालाल गुप्ता ‘चाचा’को पाँचौं स्मृति दिवसमा प्रस्तावित पन्नालाल चोकमा दीप प्रज्ज्वलन गरेको छ । रानीतलाउ नजिकै रहेको उक्त चोकलाई पन्नालाल चोक नामाकरणमा दबाब दिन युनियनले दीप प्रज्ज्वलन गरेको युनियनका जिल्ला अध्यक्ष प्रियास्मृति ढकालले बताए । त्रिभुवन चोकदेखि पुर्वको सडकलाई पन्नालाल मार्ग र चोकलाई पन्नालाल चोक नामाकरण गर्नका लागि युनियनले निरन्तर दबाब दिँदै आएको उनले बताए ।

नेपाली काँग्रेस बाँकेका उपसभापति गोपाल प्रसाद अधिकारीले पनि पन्नालाल मार्ग र चोक नामाकरणका लागि पार्टीले सहयोग गर्ने बताए । मुलुकको परिवर्तनका निमित्त चाचाजीले कलमका माध्यमबाट महत्वपूर्ण योगदान दिएको उनको भनाई छ । अधिकारीले अहिलेका पत्रकारहरुले चाचाजीको पत्रकारितालाई अनुशरण गर्न पनि आवश्यक रहेकोमा उनको जोड छ । स्वर्गीय पन्नालाल गुप्ता स्मृति प्रतिष्ठानका अध्यक्ष विजय गुप्ताले पत्रकारिताका क्षेत्रमा चाचाजीले पु¥याएको योगदान महत्वपूर्ण भएकाले उनको सम्मानका लागि पनि मार्ग र चोक नामाकरण गर्नुपर्ने बताए ।

दीप प्रज्ज्वलन कार्यक्रममा नेपाल प्रेस युनियन लुम्बिनी प्रदेशका महासचिव तथा पत्रकार महासंघ बाँकेका अध्यक्ष नवीन गिरी, नेपाल पत्रकार महासंघका लुम्विनी प्रदेश अध्यक्ष शुक्रऋषि चौलागाइँ, प्रेस युनियन लुम्विनी प्रदेश सदस्य गौरव गिरी, युनियनका पूर्व केन्द्रीय सदस्य उमा थापा मगर, युनियन बाँकेका निवर्तमान अध्यक्ष अर्जुन वली लगायतको उपस्थिति रहेको युनियनका सचिव भिष्म लोधले बताए ।

May be an image of 6 people, temple and text