नेपालगञ्ज बसपार्कस्थित विद्युत रोडदेखि उत्तरतर्फको सडक स्तरोन्नति कार्य सुरु

स्थानीय

गृहपृष्ठ
स्थानीय
नेपालगञ्ज बसपार्कस्थित विद्युत रोडदेखि उत्तरतर्फको सडक स्तरोन्नति कार्य सुरु

नेपालगञ्ज बसपार्कस्थित विद्युत रोडदेखि उत्तरतर्फको सडक स्तरोन्नति कार्य सुरु

बुधबार, माघ १६, २०८१ बागेश्वरी पोस्ट

नेपालगञ्ज । नेपालगञ्ज बसपार्कस्थित विद्युत रोडदेखि उत्तरतर्फको सडक स्तरोन्नति कार्य सुरु भएको छ । नगर प्रमुख प्रशान्त विष्टले सडक स्तरोन्नति कार्यको शुभारम्भ गरेका छन् । नेपालगञ्जको वडा नम्बर ४ र १९ लाई जोड्ने यो सडकको अस्फाल्ट पीच गर्ने कार्य २०८२ असार १५ गतेभित्र सम्पन्न गर्ने गरी काम थालिएको हो ।

करीब १ किलोमिटर लामो र ८ मिटर चौडा उक्त सडकको स्तरोन्नति कार्यको ठेक्का निर्माण कम्पनी निरज एण्ड निराजन विल्डर्स नेपालगञ्ज १८ ले पाएको छ । २ करोड बजेटमा निरज एण्ड निराजनले भ्याट बाहेक १ करोड १३ लाख ४४ हजार ७४ रुपैयाँमा ठेक्का पारेको हो । ५० प्रतिशत संघीय समपूरक र ५० प्रतिशत नेपालगञ्ज उपमहानगरपालिकाको लागतमा सडक स्तरोन्नति हुन लागेको इन्जिनियर चन्दनराज दासले बताए ।

अस्फाल्ट पीच सडक स्तरोन्नति कार्यको शुभारम्भ गर्दै नगर प्रमुख विष्टले छिटो, छरितो र गुणस्तरीय काम निर्धारित समयमै सम्पन्न गर्न निर्माण कम्पनीलाई निर्देशन दिए । उनले गुणस्तरीय कामका लागि स्वयम् टोलबासीले चासो र खबरदारी गर्नुपर्ने बताए । विष्टले सडक पूर्वाधार विकासमा नेपालगञ्ज उपमहानगरपालिका पर्यत्नशील रहेको बताए । त्यस अवसरमा वडा नम्बर ४ का वडा अध्यक्ष गोपाल पुन लगायतको उपस्थिति थियो ।

प्रकाशित मिति: बुधबार, माघ १६, २०८१ १४:४६

प्रतिक्रिया दिनुहोस्