प्रहरीमा ७५ डीएसपी दरबन्दी रिक्त, ७९ इन्स्पेक्टर प्रतिस्पर्धामा

सुरक्षा-अपराध

गृहपृष्ठ
सुरक्षा-अपराध
प्रहरीमा ७५ डीएसपी दरबन्दी रिक्त, ७९ इन्स्पेक्टर प्रतिस्पर्धामा

प्रहरीमा ७५ डीएसपी दरबन्दी रिक्त, ७९ इन्स्पेक्टर प्रतिस्पर्धामा

बिहीबार, माघ १७, २०८१ बागेश्वरी पोस्ट

काठमाडौं । नेपाल प्रहरीका ३७ प्रहरी नायब उपरीक्षक (डीएसपी) प्रहरी उपरीक्षक (एसपी) मा बढुवा भएसँगै हाल डीएसपीको रिक्त संख्या ७५ दरबन्दी रिक्त भएको छ ।

यसअघि ३८ डीएसपी दरबन्दी रिक्त रहेको अवस्थामा प्रहरी प्रधान कार्यालयले एक हप्ताअघि ३७ डीएसपीलाई एसपीमा बढुवा गर्दा डीएसपीको रिक्त संख्या ७५ पुगेको हो । ७५ डीएसपी रिक्त रहँदै गर्दा प्रहरी प्रधान कार्यालयले प्रहरी निरीक्षक (इन्स्पेक्टर) बाट डीएसपी बढुवाका लागि तयारी सुरु गरेको छ ।

अब डीएसपीमा बढुवाका लागि वि.सं. २०७० मा इन्स्पेक्टरमा भर्ना भएकाहरुबीच प्रतिस्पर्धा हुने भएको छ । यसअघि ०७० को ब्याचबाट दुई लटमा डीएसपी भइसकेका छन् । त्यतिबेला भर्ना भएका १ सय ४४ जना भर्ना भएकाहरुबाट हाल ७९ जना अझै इन्स्पेक्टरमै छन् ।

प्रहरी प्रधान कार्यालयले २०७० मा भर्ना भएकाहरुमध्ये २०८० जेठ २२ गते पहिलो लटमा ४६ जना र त्यसको एक वर्षपछि २०८० चैत २२ गते दोस्रो लटमा सोही ब्याचका १९ जना इन्स्पेक्टरलाई डीएसपीमा बढुवा गरिसकेको छ ।

अब हुने डीएसपी बढुवाका लागि सोही ब्याचबाट ७९जना भए पनि प्रहरी प्रधान कार्यालय ७५ जनालाई बढुवा गर्नेछ । तर, दरबन्दी ७५ मात्रै रहेको अवस्थामा ०७० को ब्याचबाट ४ जना बढुवा हुनबाट छुट्ने निश्चित छ ।

अहिले काठमाडौंमा सोही ब्याचका इन्स्पेक्टरहरुले बढुवा हुनका लागि शक्तिकेन्द्रमा आ-आफ्नो लबिङ सुरु गरिसकेका छन् ।

प्रकाशित मिति: बिहीबार, माघ १७, २०८१ ०८:५९

प्रतिक्रिया दिनुहोस्