डुडुवामा बालमैत्री स्थानीय शासनबारे अभिमुखीकरण

स्थानीय

गृहपृष्ठ
स्थानीय
डुडुवामा बालमैत्री स्थानीय शासनबारे अभिमुखीकरण

डुडुवामा बालमैत्री स्थानीय शासनबारे अभिमुखीकरण

शुक्रबार, माघ १८, २०८१ बागेश्वरी पोस्ट

डुडुवा (बाँके) । बाँकेको डुडुवा गाउँपालिकाका विद्यार्थीहरुलाई बालमैत्री स्थानीय शासनबारे अभिमुखीकरण गरिएको छ । गाउँपालिकाको सहयोगमा साम”हिक अभियान नेपालको सहजीकरणमा गाउँपालिका अन्तर्गत रहेका विद्यालयहरुका विद्यार्थीलाई बालमैत्री स्थानीय शासनबारे जानकारी गराइएको हो ।

अभिमुखीकरणमा बाल अधिकार, स्थानीय शासन, स्थानीय तहको सेवा सुविधा, बाल संरक्षण तथा सम्वद्र्धन, बालमैत्री बाताबरण, बाल विकास तथा सहभागिता लगायतका विषयमा तेजविक्रम शाहले सहजीकरण गरेका थिए । गाउँपालिका अध्यक्ष नरेन्द्रकुमार चौधरीले विद्यालयमा अध्ययनरत बालबालिकाहरुलाई बाल अधिकारसंग जोडिएका सामान्य विषयमा जानकारी हुनुपर्ने भएकाले यस्तो कार्यक्रमले मद्दत पुग्ने विश्वास व्यक्त गरे । उनले बालबालिकाले आफ्नो अधिकारबारे जानकारी पाएमा आफंै पैरवी तथा समाज जागरणमा विशेष भूमिका निर्वाह गर्न सक्षम हुने बताए ।

अभिमुखीकरणमा डुडुवा अन्तर्गत रहेका विद्यालयका कक्षा ६ देखि १० सम्मका विद्यार्थीहरुको सहभागिता रहेको थियो । अभिमुखीकरणको शुभारम्भमा गाउँपालिकाका शिक्षा शाखा प्रमुख सञ्जयकुमार कर्ण, स्वास्थ्य शाखा प्रमुख हेमन्त शर्मा, शिक्षक महासंघ बाँकेका उपाध्यक्ष शेखर रावत, सामूहिक अभियान नेपालका अध्यक्ष केसु पोखरेल, सचिव तारा वली, महिला अधिकारकर्मी लक्ष्मी पोखरेल, कृष्णा कार्कीले बालबालिकासंग जोडिएका विभिन्न विषयमा आ–आफ्नो धारणा व्यक्त गरेका थिए । बाँकेको डुडुवा, राप्तीसोनारी र जानकी गाउँपालिकामा विद्यालयका विद्यार्थी लक्षित कार्यक्रम गरिने अभियानका अध्यक्ष पोखरेलले बताइन् ।

प्रकाशित मिति: शुक्रबार, माघ १८, २०८१ २०:३३

प्रतिक्रिया दिनुहोस्