प्रादेशिक महोत्सब भित्रको थारुगाउँमा दैनिक साढे २ लाख कारोबार

अर्थ

गृहपृष्ठ
अर्थ
प्रादेशिक महोत्सब भित्रको थारुगाउँमा दैनिक साढे २ लाख कारोबार

प्रादेशिक महोत्सब भित्रको थारुगाउँमा दैनिक साढे २ लाख कारोबार

शनिबार, माघ १९, २०८१ बागेश्वरी पोस्ट

नेपालगन्ज । प्रादेशिक महोत्सव नेपालगन्जको जीवन होटलमा घोंघी र गंगटा खाने युवायुवतीको लर्को लाग्छ । सञ्चालक जीवन चौधरी भन्छन्, ‘घोंघीमा बढी क्याल्सियम पाइन्छ भनेर थारु भन्दा पनि पहाडी समुदायका ब्यक्तिहरु बढी आउँछन् ।’ उनको होटलमा दैनिक औसत २५ हजारका दरले बिक्री भइरहेको छ ।

थारु गाउँभित्रको पाहुना स्वागत घरकी कोपिला चौधरीको होटलमा पनि त ढिक्री, घोंघी, गंगटा र बंगुरको सेकुवा खान धेरै आउँछन् । ‘मैले लम्की, धनगढी, कोहलपुर, टीकापुरको महोत्सबमा सहभागी भएकोमा सबैभन्दा बढी ब्यापार नेपालगन्जमा भइरहेको छ’, चौधरीले खुसी ब्यक्त गर्दै भनिन्, ‘दैनिक ३५ हजार रुपैयाँ आम्दानी भइरहेको छ ।’

नेपालगन्जमा जारी प्रादेशिक महोत्सबभित्रको थारु गाउँमा मात्र दैनिक साढे दुई लाख रुपैयाँको कारोबार भएको छ । थारु गाउँमा ८ वटा थारुका होटल छन् । थारु गाउँका सञ्चालक मंगल थारुका अनुसार हरेक दिन एउटा होटलले कम्तीमा पनि औसत ३० हजारका दरले कारोबार गरिरहेका छन् । थारु गाउँमा हरेक दिन ३० वटा जति थारु कलाकारबाट कल्चरल नृत्य प्रस्तुत गरिरहेको थारु बताउँछन् ।

महोत्सबमा दैनिक औसत २१ लाख रुपैयाँ बराबरको कारोबार भइरहेको तथ्याङ्क व्यवस्थापन उपसमितिका संयोजक युवराज ढकाल बताउँछन् । १० दिनमा महोत्सबमा दुई करोड आठ लाख रुपैयाँ बराबरको कारोबार भएको ढकालले बताए ।

प्रकाशित मिति: शनिबार, माघ १९, २०८१ २१:१६

प्रतिक्रिया दिनुहोस्