हुण्डीको १६ लाख बढी सहित दुई जना सशस्त्र प्रहरीको नियन्त्रणमा

सुरक्षा-अपराध

गृहपृष्ठ
सुरक्षा-अपराध
हुण्डीको १६ लाख बढी सहित दुई जना सशस्त्र प्रहरीको नियन्त्रणमा

हुण्डीको १६ लाख बढी सहित दुई जना सशस्त्र प्रहरीको नियन्त्रणमा

आइतबार, माघ २०, २०८१ बागेश्वरी पोस्ट

काठमाडौं । सशस्त्र प्रहरीले हुण्डी कारोबारको १६ लाख रुपैयाँ बढीसहित दुई जनालाई पक्राउ गरेको छ ।

सशस्त्र प्रहरी बल नं. ११ गण रौतहटले हुण्डीको १६ लाख ४९ हजार २ सय रुपैयाँसहित सीमा नजिक इशनाथ नगरपालिका-४ महुलियाबाट दुई जनालाई पक्राउ गरेको जानकारी दिएको छ ।

सशस्त्र प्रहरीका अनुसार पक्राउ पर्नेमा राजपुर नगरपालिका- ४ का ४० वर्षीय शिव मङ्गल साह र २३ वर्षीय प्रवेज आलम रहेका छन् ।

जिल्लाको सीमा क्षेत्रबाट मधेस प्रदेश ०३३ प ९३०८ नम्बरको मोटरसाइकलमा सदरमुकामतर्फ आउँदै गरेका उनीहरुलाई चेकजाँचका क्रममा उक्त नगद बरामद गरेको सशस्त्र प्रहरी बल नं. ११ गण रौतहटले जनाएको छ ।

सशस्त्र प्रहरीले उक्त रकम बरामद गरेपछि उनीहरु दुई जनाले हुण्डी कारोबारको रहेको बताएपछि उनीहरु सवार मोटरसाइकल, नगद र दुबै जनालाई नियन्त्रणमा जानकारी दिएको छ ।

पक्राउ परेका उनीहरुसहित नगद र मोटरसाइकललाई आबश्यक कारबाहीका लागि रौतहट भन्सार कार्यालय पठाइएको सशस्त्र प्रहरी बल नं. ११ गणले जनाएको छ ।

प्रकाशित मिति: आइतबार, माघ २०, २०८१ ०९:११