पाँच लाख पाहुनालाई सेवा दिइसकेको सिटी प्यालेसले १२५ जनालाई प्रत्यक्ष रोजगारी दिँदै

अर्थ

गृहपृष्ठ
अर्थ
पाँच लाख पाहुनालाई सेवा दिइसकेको सिटी प्यालेसले १२५ जनालाई प्रत्यक्ष रोजगारी दिँदै

पाँच लाख पाहुनालाई सेवा दिइसकेको सिटी प्यालेसले १२५ जनालाई प्रत्यक्ष रोजगारी दिँदै

शुक्रबार, फागुन २, २०८१ बागेश्वरी पोस्ट

नेपालगञ्ज । नेपालगञ्ज धम्बोझीस्थित सिटी प्यालेस होटलले पाँच लाख भन्दा बढी पाहुनालाई सेवा दिएको जनाएको छ । ती मध्ये दुई लाख सार्क मुलुकका र तीन लाख नेपाली नागरिक छन् । २०७२ असारदेखि सञ्चालनमा आएको सिटी प्यालेसले १२५ जनालाई प्रत्यक्ष रोजगारी दिएको छ । होटलमा हालसम्म १ अर्ब बढीको लगानी भइसकेको सिटी प्यालेसले जनाएको छ ।

आज पत्रकार भेटघाट कार्यक्रममा होटेलका महाप्रबन्धक पदम सुवेदीले आतिथ्यताका लागि ९५ वटा कोठा रहेको बताए । ती मध्ये ८ वटा स्वीट रुम, २८ वटा सुपर डिलक्स रुम, ३९ वटा डिलक्स रुम र २० वटा स्टेण्डर्ड रुमबाट सेवा प्रवाह गरिरहेको सुवेदीले जानकारी दिए । समय र पाहुनाको माग अनुसार थप सेवा विस्तार गर्दै जाने तयारीमा रहेको उनको भनाई छ । होटलले विभिन्न स्वादका पारखीहरुलाई मध्यनजर गर्दै थकाली भान्सा, रुफटप रेस्टुरेन्ट, बारसहितको रेस्टुरेन्ट र क्याफेको सेवा दिँदै आएको जनाएको छ । महाप्रबन्धक सुवेदीले स्तरीय सेवाका लागि लागिपरेको बताए ।

May be an image of 5 people

सुवेदीका अनुसार सिटी प्यालेस होटलले जिम, स्विमिंग पुल, स्टीम, साउना, स्पा, सेभिनर सप, क्यासिनो (नेपाली बाहेकका पाहुनाका लागि), ओपनस्पेस गार्डेन र अण्डर ग्राउण्ड पार्किंगको सेवा दिँइरहेको छ । यस्तै विवाह, ब्रतबन्ध, जन्म दिन मनाउन तथा विभिन्न गोष्ठी, सेमिनारको आयोजना गर्न सकिने गरी ६ सय बढी क्षमताको एउटा सभा हल, २ सय बढी क्षमताको एउटा सभा हल, १ सय बढी क्षमताको १ र ५० बढी क्षमताको १ गरी ४ वटा हल उपलब्ध छन् । होटल सिटी प्यालेसका सञ्चालक युवा व्यवसायी लोकेन्द्र अर्याल हुन् ।

प्रकाशित मिति: शुक्रबार, फागुन २, २०८१ २०:४९

प्रतिक्रिया दिनुहोस्