कार्य सम्पादन मूल्यांकनमा राप्तीसोनारी जिल्लामै पहिलो

स्थानीय

गृहपृष्ठ
स्थानीय
कार्य सम्पादन मूल्यांकनमा राप्तीसोनारी जिल्लामै पहिलो

कार्य सम्पादन मूल्यांकनमा राप्तीसोनारी जिल्लामै पहिलो

शनिबार, फागुन ३, २०८१ बागेश्वरी पोस्ट

नेपालगन्ज । राष्ट्रिय प्राकृतिक स्रोत तथा वित्त आयोगले सार्वजनिक गरेको कार्य सम्पादन मूल्याङ्कनको आधारमा बाँके जिल्लामा राप्तीसोनारी गाउँपालिका पहिलो भएको छ । जिल्लाका ८ वटै स्थानीय तह मध्ये राप्तीसोनारी गाउँपालिकाले सबैभन्दा बढी नम्बर ल्याएर पहिलो भएको छ भने सबै भन्दा कम नम्बर ल्याएर कोहलपुर नगरपालिका अन्तिममा छ ।

२०८०–०८१ को आर्थिक वर्षको मूल्याङ्कन गर्दा राप्तीसोनारी गाउँपालिकाले ६० अङ्क प्राप्त गरेर पहिलो भएको छ भने बैजनाथ गाउँपालिका ५९ दशमलव ३ अङ्कसहित दोस्रो स्थानमा छ ।

खजुरा गाउँपालिका ५८ अङ्सहित तेस्रो, डुडुवा गाउँपालिका ५१ दशमलव १ अङ्कसहित चौथो स्थानमा छ । नरैनापुर गाउँपालिका ४८ दशमलव ७ अङ्क ल्याएर पाँचौ स्थानमा छ । नेपालगन्ज उपमहानगरपालिका ४६ दशमलव १ अङ्क ल्याएर छैठौं, जानकी गाउँपालिका ४३ दशमलव ६ अङ्कसहित सातौं र कोहलपुर नगरपालिका ३५ दशमलव २ अंक ल्याएर अन्तिम भएको छ ।

राष्ट्रिय प्राकृतिक स्रोत तथा वित्त आयोगले माघ ३० गते कार्य सम्पादन मूल्याङ्कनको आधारमा प्रदेश सरकार र स्थानीय तहले प्राप्त गरेको अङ्कसम्बन्धि विवरण प्रकाशित गरेको थियो । राष्ट्रिय प्राकृतिक स्रोत तथा वित्त आयोगले प्राप्त अङ्क चित्त नबुझे ७ दिनभित्र आवश्यक आधार र प्रमाणसहित पुनरावलोकनका लागि उजुरी दिन व्यवस्था गरेको जनाएको छ ।

प्रकाशित मिति: शनिबार, फागुन ३, २०८१ ०८:१६