जानकीमा पञ्च बर्षीय गाउँ शिक्षा योजना निर्माण कार्यशाला

स्थानीय

गृहपृष्ठ
स्थानीय
जानकीमा पञ्च बर्षीय गाउँ शिक्षा योजना निर्माण कार्यशाला

जानकीमा पञ्च बर्षीय गाउँ शिक्षा योजना निर्माण कार्यशाला

सोमबार, फागुन ५, २०८१ बागेश्वरी पोस्ट

नेपालगन्ज । बाँकेको जानकी गाउँपालिकाले पञ्च बर्षीय गाउँ शिक्षा योजना निर्माण कार्यशाला सम्पन्न गरेको छ । शिक्षा, युवा तथा खेलकुद शाखाको आयोजनामा आज एक दिने कार्यशाला सम्पन्न भएको हो । शिक्षा, युवा तथा खेलकुद शाखा बाँकेकी प्रमुख कृष्णा कुमारी भण्डारीले शिक्षामा पहुँच, गुणस्तर र संस्थागत क्षमता विकासको लागि पाँच बर्षे गाउँ शिक्षा योजना मस्यौदामाथि छलफल तथा सुझाव संकलन गरी शैक्षिक सुधार गर्ने उद्देश्यका साथ कार्यशाला गरिएको जानकारी दिइन् ।

सामाजिक विकास समितिका संयोजक रामआचल धोवीको अध्यक्षतामा सम्पन्न कार्यक्रममा प्रमुख प्रशासकीय अधिकृत नर बहादुर विक, वडा अध्यक्षहरु चन्द्रिका प्रसाद गुप्ता, जगदिश प्रसाद हरिजन, कार्यपालिका सदस्य कान्ति काँदु, लेखा शाखाका प्रमुख मतिन अहम्मद अन्सारी, योजना शाखाकी प्रमुख शोभा पौडेल, स्वास्थ्य शाखा प्रमुख दल बहादुर राना, न्यायिक शाखाका प्रमुख जित बहादुर श्रेष्ठ, सूचना शाखाका प्रमुख विकास जिसी, शिक्षा युवा तथा खेलकुद शाखाकी झुमी कुमारी वली, विद्यालयका प्रधानाध्यापक, विद्यालय व्यबस्थापन समितिका अध्यक्ष लगायतको उपस्थिति रहेको थियो । कार्यशालामा सहजकर्ता जगत बमले प्रतिवेदन प्रस्तुत गरेका थिए ।

प्रकाशित मिति: सोमबार, फागुन ५, २०८१ १९:११

प्रतिक्रिया दिनुहोस्