नारी दिवसको पूर्व सन्ध्यामा नेपालगन्जमा दीप प्रज्ज्वलन

स्थानीय

गृहपृष्ठ
स्थानीय
नारी दिवसको पूर्व सन्ध्यामा नेपालगन्जमा दीप प्रज्ज्वलन

नारी दिवसको पूर्व सन्ध्यामा नेपालगन्जमा दीप प्रज्ज्वलन

शुक्रबार, फागुन २३, २०८१ बागेश्वरी पोस्ट

नेपालगन्ज । अन्तर्राष्ट्रिय नारी दिवसको पूर्व सन्ध्यामा नेपालगन्जमा दीप प्रज्ज्वलन गरिएको छ । ११५औं अन्तर्राष्ट्रिय नारी दिवसको अवसरमा नेपालगन्ज उपमहानगरपालिकाले आज साँझ वीपी चोकमा दीप प्रज्ज्वलन गरेको हो । महिला हिंसा निगरानी संजालका अध्यक्ष केशव कोइरालाको अध्यक्षतामा दीप प्रज्ज्वलन कार्यक्रम सम्पन्न भएको हो ।

मार्च ८ अर्थात् भोलि शनिबार "सबै महिला र बालिकाहरुको लागि: अधिकार, समानता र सशक्तीकरण" भन्ने नाराका साथ ११५औं अन्तर्राष्ट्रिय नारी दिवस मनाइँदैछ । दिवसको अवसरमा भोलि विहान ७ बजे नेपालगन्जमा प्रभातफेरिको आयोजना गरिएको नेपालगन्ज उपमहानगरपालिका महिला, बालबालिका तथा ज्येष्ठ नागरिक शाखा प्रमुख पबित्रा कुमारी पुरीले बताइन् । नेपालगन्ज उपमहानगरपालिका कार्यालयबाट प्रभातफेरि सुरु हुनेछ ।

प्रकाशित मिति: शुक्रबार, फागुन २३, २०८१ १९:१८