खजुरामा 'एआई' सम्बन्धि तालिम संचालन

स्थानीय

गृहपृष्ठ
स्थानीय
खजुरामा 'एआई' सम्बन्धि तालिम संचालन

खजुरामा 'एआई' सम्बन्धि तालिम संचालन

आइतबार, फागुन २५, २०८१ बागेश्वरी पोस्ट

नेपालगन्ज । लायन्स तथा लियो क्लब अफ नेपालगञ्ज खजुराको आयोजनामा “Gen Z A.I. Connect v0.1” Artificial Intelligence सम्बन्धि तालिम सञ्चालन सम्पन्न भएको छ । खजुरा गाउँपालिकाको मुख्य सहकार्य तथा नेपालगञ्जस्थित Nepalgunj Campus of Management and Technology (NCMT) को प्रमुख सौजन्यमा तालिम सञ्चालन गरिएको थियो ।

कार्यक्रममा खजुरा गाउँपालिकामा ‌+२ तहमा अध्ययनरत विद्यार्थीहरुलाई Artificial Intelligence (AI) सम्बन्धि अवधारणा, दैनिक जीवनमा यसको उपयोग, यसबाट देखा पर्ने समस्याहरु तथा त्यस्ता समस्याहरुको समाधान र यसको सदुपयोग गर्ने तरिकाबारे प्रशिक्षण दिइएको थियो । सम्बन्धित क्षेत्रमा विज्ञता प्राप्त प्रशिक्षक, NCMT का Academic Coordinator तथा Brilliant IT Solutions (BITS) का सञ्चालक अङ्कित श्रीवास्तवले सहभागी विद्यार्थीहरुलाई विस्तृतरुपमा AI सम्बन्धि आवश्यक समग्र विषयवस्तुहरुको प्रशिक्षण प्रदान गरेका थिए ।

हाल विश्व AI को युगमा प्रवेश गरिरहँदा खजुराका युवा वर्गहरुलाई समेत यसको फाइदा र नोक्सानीसँग परिचित गराउँदै यसको सदुपयोग गरेर आफ्नो भविश्य निर्माण गर्न सक्षम बनाउन तालिम आयोजना गरिएको लायन्स तथा लियो क्लब अफ नेपालगञ्ज खजुराले जनाएको छ ।

स्मार्ट गाउँपालिकाको परिकल्पनालाई साकार पार्न यस कार्यक्रमले योगदान गरेको खजुरा गाउँपालिका अध्यक्ष डम्बर बहादुर विकले बताए । Nepalgunj Campus of Management and Technology ले समेत यस कार्यक्रमलाई प्रोत्साहन गर्दै खजुराका युवाहरुको उच्च शिक्षामा योगदान पुर्याउने र BCA तथा B.Sc CSIT अध्ययनमा खजुराको युवाहरुलाई उचित मार्गदर्शन प्रदान गर्ने प्रतिवद्धता व्यक्त गरेको छ ।

प्रकाशित मिति: आइतबार, फागुन २५, २०८१ १४:०८

प्रतिक्रिया दिनुहोस्