नेपालगञ्ज उपमहानगरद्वारा सूचीकृत बेरोजगार ब्यक्तिलाई रोजगारीमा खटिनु पूर्व अभिमुखीकरण

अर्थ

गृहपृष्ठ
अर्थ
नेपालगञ्ज उपमहानगरद्वारा सूचीकृत बेरोजगार ब्यक्तिलाई रोजगारीमा खटिनु पूर्व अभिमुखीकरण

नेपालगञ्ज उपमहानगरद्वारा सूचीकृत बेरोजगार ब्यक्तिलाई रोजगारीमा खटिनु पूर्व अभिमुखीकरण

सोमबार, फागुन २६, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले सूचीकृत बेरोजगार ब्यक्तिहरुलाई रोजगारीमा खटिनु पूर्व आवश्यक अभिमुखीकरण गरेको छ ।

नेपालगञ्ज उपमहानगरपालिका रोजगार सेवा केन्द्रको आयोजनामा सूचीकृत बेरोजगार व्यक्तिहरुलाई रोजगारीमा खटिनु पूर्व आवश्यक जानकारी प्रदान गर्ने उद्देश्यले अभिमुखीकरण कार्यक्रम सम्पन्न गरिएको हो । कार्यक्रमको अध्यक्षता वडा नम्बर २० का वडा अध्यक्ष तथा स्थानीय निर्देशक समिति सदस्य कौशल कुमार धोबीले गरेका थिए भने रोजगार सहायक अनुप कुमार बर्माले कार्यक्रमको सञ्चालन तथा सहजीकरण गरेका थिए ।

May be an image of 12 people

कार्यक्रममा प्राविधिक सहायक कमला ओलीले अभिमुखीकरणको उद्देश्यबारे प्रकाश पार्दै श्रमिकहरूलाई रोजगारी प्रक्रियाबारे जानकारी गराउन, आवश्यक सीप र सुरक्षा मापदण्डबारे प्रशिक्षित गर्न तथा श्रमिक हकहितका विषयमा सचेत गराउन महत्त्वपूर्ण भूमिका खेल्ने बताइन् । वडा नम्बर १९, २०, र २१ का श्रमिकहरूको उत्साहजनक उपस्थिति रहेको कार्यक्रममा हाजिरी प्रणाली, पारिश्रमिक भुक्तानी प्रक्रिया, कार्यस्थल अनुशासन, कल्याणकारी सेवा तथा श्रमिक सुरक्षासम्बन्धि विषयमा जानकारी प्रदान गरिएको थियो ।

अभिमुखीकरण कार्यक्रममा सहभागी श्रमिकहरूले प्राप्त प्रशिक्षण आफ्नो कार्यस्थलमा प्रभावकारी रूपमा प्रयोग गर्ने दृढता व्यक्त गरेका छन् । कार्यक्रमको समापनमा अध्यक्ष धोबीले उत्कृष्ट कम गर्ने श्रमिकलाई सम्मान गर्ने घोषणा समेत गरेका थिए ।

May be an image of 1 person, dais and text