बालमैत्री स्थानीय शासनबारे अभिमुखीकरण

स्थानीय

गृहपृष्ठ
स्थानीय
बालमैत्री स्थानीय शासनबारे अभिमुखीकरण

बालमैत्री स्थानीय शासनबारे अभिमुखीकरण

बिहीबार, चैत ७, २०८१ बागेश्वरी पोस्ट

रबिन्द घिमिरे (जानकी) । बाँकेको जानकी गाउँपालिकाका जनप्रतिनिधि, कर्मचारी र विद्यार्थीहरुलाई बालमैत्री स्थानीय शासनबारे अभिमुखीकरण गरिएको छ । वल्र्ड भिजन इन्टरनेशनल नेपालको सहयोग, बालमैत्री स्थानीय शासन राष्ट्रिय मञ्चको सहकार्य र सामाजिक विकास मञ्च बाँकेको आयोजनामा गाउँपालिकाका जनप्रतिनिधि, कर्मचारी र विद्यार्थीहरुलाई बालमैत्री स्थानीय शासनबारे अभिमुखीकरण गरिएको हो ।

अभिमुखीकरणमा स्थानीय तहको आवधिक तथा वार्षिक योजनामा बाल अधिकारका सवालहरुलाई प्राथमिकता दिनु, बालबालिकाको समुचित विकासको लागि आवश्यक पर्ने सबै सेवा सुविधाहरुमा हरेक बालबालिकाहरुको पहुँच सुनिश्चितता गराउनु, स्थानीय तहमा बालबालिकासँग सम्वन्धित नीति, योजना र कानुन तर्जुमा गर्दा बालबालिकाको सहभागिता गराउनु, स्थानीय तहमा निर्माण हुने सबै भौतिक पूर्वाधारहरु बालमैत्री बनाउनु र बालबालिकाको हित विरुद्व हुने सबै प्रकारका हिंसाहरुको उन्मूलन गर्नु मुख्य उद्देश्य रहेको वल्र्ड भिजन इन्टरनेशनल नेपालका पोलिसी कम्युनिकेशन लिड मुकेश पन्तले जानकारी दिए ।

कार्यक्रममा गाउँपालिकाका प्रमुख प्रशासकीय अधिकृत नर वहादुर विकले पालिकाका अध्यक्ष, उपाध्यक्ष, वडा अध्यक्षहरु, कार्यपालिका सदस्यहरु, वडा सदस्यहरु, कर्मचारीहरु सक्रियरुपमा लागेमा पालिकालाई बालमैत्री बनाउन सकिने धारणा राखेका थिए । अभिमुखीकरण कार्यक्रममा वडा अध्यक्षहरु मो. रजा राई, चन्द्रिका प्रसाद गुप्ता, जगदिश प्रसाद हरिजन, सामाजिक विकास समितिका संयोजक राम आचल धोवी, गाउँपालिकाका महिला बालबालिका शाखाकी प्रमुख कल्पना गाहा, पालिकाका विभिन्न शाखाका प्रमुख, बालमैत्री स्थानीय शासन राष्ट्रिय मञ्चका अशोक खनाल, सामाजिक विकास मञ्च बाँकेका वरिष्ठ सल्लाहकार घनश्याम उपाध्याय, बाल अधिकारकर्मी शाहिल अन्सारीले बालबालिकासंग जोडिएका विभिन्न विषयमा आ–आफ्नो धारणा व्यक्त गरेका थिए ।

प्रकाशित मिति: बिहीबार, चैत ७, २०८१ १८:५८

प्रतिक्रिया दिनुहोस्