नेपालगञ्जका सहकारीलाई सात दिने 'सहकारी लेखापालन तालिम'

अर्थ

गृहपृष्ठ
अर्थ
नेपालगञ्जका सहकारीलाई सात दिने 'सहकारी लेखापालन तालिम'

नेपालगञ्जका सहकारीलाई सात दिने 'सहकारी लेखापालन तालिम'

शनिबार, चैत ९, २०८१ बागेश्वरी पोस्ट

नेपालगञ्ज । नेपालगञ्जका सहकारी संस्थाहरुलाई सात दिने 'सहकारी लेखापालन तालिम' प्रदान गरिएको छ । नेपालगञ्ज उपमहानगरपालिकाको नियमन क्षेत्र भित्रका २५ वटा सहकारीलाई लेखापालन तालिम प्रदान गरिएको हो । चैत ३ देखि सुरु भएको तालिमको आज समापन गरिएको छ ।

सहकारीको वित्तीय अनुशासनलाई चुस्तदुरुस्त राख्न सघाउ पुर्याउने उद्देश्यका साथ सहकारी लेखापालन तालिम दिइएको सहकारी शाखा प्रमुख प्रबिण कुमार रानाले बताए । तालिमको समापन गर्दै आर्थिक विकास समिति संयोजक एवम् वडा नम्बर ४ का वडा अध्यक्ष गोपाल पुनले तालिमले सहकारीको लेखा प्रणालीलाई व्यवस्थित र पारदर्शी बनाउन मद्दत पुग्ने विश्वास ब्यक्त गरे । उनले तालिममा सिकेका कुरालाई ब्यवहारमा लागू गर्न आग्रह गरे ।

May be an image of 6 people, people studying, dais and text

सात दिने तालितमा लेखापालनबारे शाखा प्रमुख राना, सहकारी प्रशिक्षक उमेश्वरनाथ डंगोल, नेप्स्कुन फिल्ड कार्यालय बाँकेका प्रमुख छत्र प्रसाद धमला, जिल्ला सहकारी संघका प्रबन्ध सञ्चालक नवराज उपाध्याय, नागरिक बचत तथा ऋण सहकारी संस्थाका प्रबन्धक गोपाल थापा र राष्ट्रिय सहकारी बैंकका प्रबन्धक प्रकाश थपलियाले प्रशिक्षण दिएको सहकारी शाखाकी तुलसा पन्थी आचार्यले बताइन् । तालिममा सहभागीहरुलाई प्रमाणपत्र वितरण गरिएको थियो ।

May be an image of 5 people, people smiling, dais and text

समापन कार्यक्रममा आर्थिक विकास समिति सदस्य संगिता रेग्मी, नेपाल पत्रकार महासंघ बाँकेका अध्यक्ष नवीन गिरी लगायतको उपस्थिति थियो । त्यस अवसरमा प्रशिक्षार्थीद्वय सफल बहुउद्देश्यीय सहकारी संस्थाकी चम्पा कडायत र समाज कल्याण बचत तथा ऋण सहकारी संस्थाका देवान थापाले तालिम अत्यन्त उपलब्धिमूलक भएको बताए । तालिमको उद्घाटन नेपालगञ्ज उपमहानगरपालिकाका प्रमुख प्रशासकीय अधिकृत ओम बहादुर खड्काले गरेका थिए ।

May be an image of 4 people, television and text May be an image of 6 people, dais and text