जानकीमा महिलाहरुका लागि एक महिने सिलाईकटाई तालिम शुरु

स्थानीय

गृहपृष्ठ
स्थानीय
जानकीमा महिलाहरुका लागि एक महिने सिलाईकटाई तालिम शुरु

जानकीमा महिलाहरुका लागि एक महिने सिलाईकटाई तालिम शुरु

सोमबार, चैत ११, २०८१ बागेश्वरी पोस्ट

जानकी (बाँके) । जानकी गाउँपालिकामा 'सीप सिकौं, स्वरोजगार बनौं' भन्ने मूल नाराका साथ महिलाहरुका लागि एक महिने सिलाईकटाई तालिम शुरु भएको छ । जानकी गाउँपालिकाको आयोजनामा आजदेखि महिलाहरुका लागि एक महिने सिलाईकटाई तालिम सञ्चालन भएको हो ।

कार्यक्रममा गाउँपालिका उपाध्यक्ष रामप्यारी यादवले रोजगारको अभाव भएको बेला जनजीवनलाई आर्थिक रुपमा सहज बनाउनुका साथै आत्मनिर्भर बनाउन महिलाहरुलाई सिलाईकटाई तालिम अत्यन्तै जरुरी रहेकोले तालिम सञ्चालन गरिएको बताइन् । त्यसैगरी सामाजिक विकास समितिका संयोजक रामआचल धोवीले तालिममा सिकेका सीपहरुलाई व्यवहारमा उर्तान सहभागीहरुलाई सुझाव दिए ।

May be an image of 14 people and hospital

सामाजिक विकास समितिका संयोजक धोवीको अध्यक्षता एवम् गाउँपालिकाका उपाध्यक्ष यादवको प्रमुख आतिथ्यतामा भएको कार्यक्रम लघु उद्यम शाखाकी प्रमुख सावित्री रेग्मीले सञ्चालन गरेकी थिइन् भने एक महिने सिलाईकटाई तालिममा रिना कुमारी कुर्मीले प्रशिक्षण दिनेछिन् । तालिममा २५ जना प्रशिक्षार्थीहरु सहभागी भएका छन् ।

प्रकाशित मिति: सोमबार, चैत ११, २०८१ १९:२७

प्रतिक्रिया दिनुहोस्