जानकीमा डल कुशन बनाउने १५ दिने तालिम सम्पन्न

स्थानीय

गृहपृष्ठ
स्थानीय
जानकीमा डल कुशन बनाउने १५ दिने तालिम सम्पन्न

जानकीमा डल कुशन बनाउने १५ दिने तालिम सम्पन्न

बुधबार, चैत १३, २०८१ बागेश्वरी पोस्ट

जानकी (बाँके) । जानकी गाउँपालिकामा डल कुशन बनाउने १५ दिने तालिम सम्पन्न भएको छ । 'जानकी गाउँपालिकामा आर्थिक सम्वृद्धिको आधार, लघु उद्यममार्फत रोजगार' भन्ने मूल नाराका साथ फाल्गुन २६ गतेदेखि शुरु भएको १५ दिने डल कुशन बनाउने तालिम आज सम्पन्न भएको हो ।

जानकी गाउँपालिका लघु उद्यम शाखाको आयोजनामा गरिवी निवारणका लागि लघु उद्यम विकास कार्यक्रम अन्तर्गत १५ दिने डल कुशन बनाउने तालिम सम्पन्न भएको हो । समापन कार्यक्रममा पालिकाका प्रमुख प्रशासकीय अधिकृत नर वहादुर विकले आर्थिक अवस्था कमजोर भएकाहरुलाई सीप सिकाएर जिविकोपार्जन गर्न सहज होस् भन्ने उद्देश्यले तालिम प्रदान गरिएको बताए । "सीप सिकेर त्यत्तिकै घरमा बसेर हुँदैन, सिकेको सीपलाई उपयोग गर्नुहोला," सहभागी प्रशिक्षार्थीहरुलाई उनले भने ।

वडा नम्वर ४ की वडा सदस्य केकई धोवीको अध्यक्षतामा भएको कार्यक्रममा गाउँपालिकाकी उपाध्यक्ष रामप्यारी यादव, प्रमुख प्रशासकीय अधिकृत विक, न्यायिक शाखाका अधिकृत जित वहादुर श्रेष्ठ, लघु उद्यम शाखाकी प्रमुख सावित्री रेग्मी लगायतको उपस्थिति थियो । त्यसक्रममा २१ जना प्रशिक्षर्थीहरुलाई प्रमाणपत्र प्रदान गरिएको थियो । १५ दिनसम्म चलेको तालिममा पुष्पा शर्माले प्रशिक्षण दिएकी थिइन् ।

प्रकाशित मिति: बुधबार, चैत १३, २०८१ २०:१३