बैलौरीले नेपालगञ्जको विपद सम्बन्धि असल अभ्यासबारे जानकारी लियो

स्थानीय

गृहपृष्ठ
स्थानीय
बैलौरीले नेपालगञ्जको विपद सम्बन्धि असल अभ्यासबारे जानकारी लियो

बैलौरीले नेपालगञ्जको विपद सम्बन्धि असल अभ्यासबारे जानकारी लियो

मंगलबार, चैत १९, २०८१ बागेश्वरी पोस्ट

नेपालगञ्ज । कञ्चनपुरस्थित बेलौरी नगरपालिकाको एक टोलीले नेपालगञ्ज उपमहानगरपालिकामा भएका विपद व्यवस्थापन सम्बन्धि असल कामहरुबारे जानकारी लिएको छ । बेलौरी नगर प्रमुख पोतिलाल चौधरी नेतृत्वको भ्रमण टोलीले नेपालगञ्जले विपद व्यवस्थापनका क्षेत्रमा गरेका असल अभ्यासहरुको सिकाई आदानप्रदान गर्ने उद्देश्यले आज भेटघाट गरेको हो ।

टोलीले नेपालगञ्ज नगर प्रमुख प्रशान्त विष्ट, प्रमुख प्रशासकीय अधिकृत ओम बहादुर खड्का, विपद समिति संयोजक समिर प्रताप सिंह लगायतलाई भेट्दै यहाँ भएका असल कामहरुबारे जानकारी लिएको आपतकालीन कार्यसञ्चालन केन्द्रका सूचना ब्यवस्थापन अधिकृत रुपन ज्ञवालीले बताए । भेटका क्रममा दुई पालिकाबीच विपदमा गर्न सकिने साझेदारी र सहकार्यका विषयमा पनि छलफल भएको छ ।

May be an image of 15 people, ambulance and text that says 'बारुण यवत्र यन o बारण ARH ASHO ND-EIBE ΕBE'

नेपालगञ्जमा भएका असल अभ्यासहरुको अनुकरण गर्ने अभिप्रायले भ्रमण गरेको नगर प्रमुख चौधरीले बताए । बैलौरी टोलीमा नगर उपप्रमुख जोगराम चौधरी, प्रमुख प्रशासकीय अधिकृत गणेश सिंह ऐरी, नगर प्रबक्ता हर्क बहादुर भुल, विपद व्यवस्थापन समिति संयोजक कृष्णभान बरई, लेखा अधिकृत ओम प्रसाद उपाध्याय, विपद सम्पर्क ब्यक्ति अशोक पाण्डे, कम्प्युटर अपरेटर किशोर महरा थिए । टोलीले स्थानीय आपकालीन कार्यसञ्चालन केन्द्रको पनि अवलोकन गरेको थियो ।

प्रकाशित मिति: मंगलबार, चैत १९, २०८१ १८:१५

प्रतिक्रिया दिनुहोस्