कृष्णसार एफएमद्वारा रक्तदान कार्यक्रम आयोजना

स्थानीय

गृहपृष्ठ
स्थानीय
कृष्णसार एफएमद्वारा रक्तदान कार्यक्रम आयोजना

कृष्णसार एफएमद्वारा रक्तदान कार्यक्रम आयोजना

बिहीबार, चैत २१, २०८१ बागेश्वरी पोस्ट

नेपालगञ्ज । कृष्णसार एफएम ९४ मेगाहर्जले १६औं बार्षिकोत्सवको अवसर पारेर आज रक्तदान कार्यक्रम आयोजना गरेको छ । प्रादेशिक रक्तसंचार केन्द्र नेपालगन्जको प्राविधिक सहयोगमा गरिएको रक्तदान कार्यक्रमममा रेडियोका कार्यकारी प्रमुख तुला अधिकारी, समुदायका लागि संचार अभियान नेपालका अध्यक्ष माधवराज अधिकारी, सचिव साबित्री गिरी, कोषाध्यक्ष राकेशकुमार मिश्र, सदस्य योगराज चौधरीले रक्तदान गरे ।

यस्तै रेडियोमा कार्यरत कुशल विश्वकर्मा, नेपाल स्वयंमसेवी रक्तदाता समाज बाँकेका अध्यक्ष दिला शाह, नेपालगञ्ज उपमहानगरपालिका वडा नम्बर १० का स्वास्थ्य इन्चार्ज भागीराम चौधरी, स्वास्थ्यकर्मी धर्मेन्द्र सिंह, नेपालगन्जका रिनु खत्री र लक्ष्य बहादुर विश्वकर्मा लगायत एक दर्जनले रक्तदान गरेका थिए । कार्यक्रममा प्रादेशिक रक्तसञ्चार केन्द्र नेपालगञ्जका प्रमुख उपेन्द्र रेग्मीलाई रेडियोका कार्यकारी निर्देशक अधिकारीले रगत संकलन गर्ने प्याकेट हस्तान्तरण गरेका थिए ।

कृष्णसार एफएम ९४ मेगाहर्जले १७औं वर्ष प्रवेश गरेको अबसरमा चैत्र १४ गते शुभकामना आदान प्रदान कार्यक्रम गरेको थियो । २०६५ साल चैत्र १४ गते वेलुका ६ बजेर ५५ मिनेटबाट कृष्णसार एफएमले प्रसारण सुरु गरेको थियो । वदलिँदो प्रविधिको उपयोग गर्दै कोभिड महामारीपछिको आर्थिक मन्दी लगायत विविध समस्याका वीच सकेसम्म अधिकतम् स्रोताको आवश्यकता र भावना समेट्ने प्रयासमा आफूहरु लागिरहेको कार्यकारी निर्देशक अधिकारीको भनाई छ । एफएमले हाल अत्याधुनिक डिजिटलमैत्री स्टुडियोबाट उत्पादन तथा प्रसारण गरिरहेको छ ।

प्रकाशित मिति: बिहीबार, चैत २१, २०८१ १७:५३

प्रतिक्रिया दिनुहोस्