कोहलपुर नगरपालिकाद्वारा सञ्चार नीति निर्माणका लागि सुझाव संकलन

स्थानीय

गृहपृष्ठ
स्थानीय
कोहलपुर नगरपालिकाद्वारा सञ्चार नीति निर्माणका लागि सुझाव संकलन

कोहलपुर नगरपालिकाद्वारा सञ्चार नीति निर्माणका लागि सुझाव संकलन

बिहीबार, चैत २१, २०८१ बागेश्वरी पोस्ट

नेपालगञ्ज । कोहलपुर नगरपालिकाले निर्माण गर्न लागेको आमसञ्चार नीतिलाई कार्यान्वयनमा ल्याउन सम्वद्ध सरोकारवालाहरुसँग सुझाव संकलन गर्न छलफल सुरु गरेको छ । नेपालको संविधान (२०७२) ले सुनिश्चित गरेको सूचना तथा सञ्चारको हकका साथै प्रेस तथा अभिव्यक्ति स्वतन्त्रतासम्बन्धि मान्यतामा आधारित रही नगरले सञ्चार नीति बनाउन थालेको हो । पहिलो चरणमा आज नेपाल पत्रकार महासंघको सभाहलमा महासंघको कार्यसमितिसँग छलफल गरिएको कोहलपुर नगरपालिकाका प्रेस संयोजक प्रियास्मृति ढकालले जानकारी दिए । त्यसपछि कोहलपुर नगरपालिकाका क्रियाशील पत्रकार, सञ्चार उद्यमी तथा जनप्रतिनिधिहरुसँग छलफल गरिने संयोजक ढकालले बताए ।

May be an image of 3 people, people smiling, newsroom, hospital and text

सूचना तथा सञ्चार प्रविधिको प्रयोग, निरन्तर विकास एवम् गतिशीलताबाट उपयुक्त अवसरसँगै नीतिगत चुनौतीहरू पनि सिर्जना भइरहेकाले यसलाई थप व्यवस्थित र दिगोपनाका लागि सञ्चार नीति निर्माण गर्न थालिएको कोहलपुर नगरपालिकाका कार्यबाहक नगर प्रमुख संगिता सुवेदीले बताइन् । उनले भनिन्–‘सञ्चार प्रविधि क्षेत्रमा भएको गतिशीलता एवम् निरन्तर विकासद्वारा सिर्जित नीतिगत चुनौती सम्बोधन गर्न सञ्चार नीति आवश्यक छ । विवादरहित हुने गरी नीति बनाइनेछ ।’ त्यही अनुसारको भूमिका निर्वाह गर्न उनले सञ्चार नीति बनाउन गठित कार्यदललाई सुझाव पनि दिइन् । नेपाल पत्रकार महासंघ बाँकेका अध्यक्ष नवीन गिरीको संयोजकत्वमा प्रेस संयोजक ढकाल र कोहलपुर नगरपालिकाका अधिकृत आशिष बर्मा सदस्य रहने गरी सञ्चार नीति निर्माणका लागि मस्यौदा समिति बनाइएको छ ।

May be an image of 1 person, smiling and text

कार्यबाहक नगर प्रमुख सुवेदीले स्थानीय संचार क्षेत्रको प्रवद्र्धनमा विशेष प्राथमिकता दिएर नीति बनाउन सुझाव दिइन् । नेपाल पत्रकार महासंघका अध्यक्ष गिरीले सञ्चार नीतिले स्थानीय मिडियाको सवलीकरणमा सहयोगी भूमिका निर्वाह गर्ने बताए । स्थानीय सञ्चार माध्यमको प्रवद्र्धन गर्दै पत्रकारहरुको रोजगारीलाई ग्यारेन्टी गर्नुपर्ने अहिलेको आवश्यकता र चुनौतीलाई नीतिले सम्वोधन गर्ने बताए । मस्यौदा समितिका सदस्य सचिव समेत रहेका बर्माको स्वागत मन्तव्यबाट सुरु भएको कार्यक्रमको सहजीकरण महासंघका सचिव कृष्ण ओलीले गरेका थिए । कार्यक्रममा पत्रकारहरु गणेश विसु, कृष्णराज अधिकारी, आशा विक लगायतले सुझावहरु दिएका थिए ।

May be an image of 6 people, people studying, hospital, dais and text May be an image of 13 people and text May be an image of 8 people and text