राप्तीसोनारीका विभिन्न स्थानमा सिसी क्यामेरा जडान

स्थानीय

गृहपृष्ठ
स्थानीय
राप्तीसोनारीका विभिन्न स्थानमा सिसी क्यामेरा जडान

राप्तीसोनारीका विभिन्न स्थानमा सिसी क्यामेरा जडान

बिहीबार, वैशाख १८, २०८२ बागेश्वरी पोस्ट

बैजापुर (बाँके) । बाँकेको राप्तीसोनारी गाउँपालिकाका विभिन्न स्थानका चोकमा सिसी क्यामेरा जडान गरिएको छ ।दुर्घटना न्यूनीरण र पहिचान, अपराधिक क्रियाकलाप निगरानी लगायत शान्ति सुरक्षालाई मध्यनजर गर्दै विभिन्न स्थानमा सिसी क्यामेरा जडान गरिएको राप्तीसोनारी गाउँपालिकाका प्रवक्ता तथा वडा नम्बर ४ का वडाध्यक्ष मीनराज खड्का (सन्तोष) ले जानकारी दिएका छन् ।

प्रवक्ता खड्काका अनुसार यसअघि नै राप्तीसोनारी-४ को बैजापुर चोक र वडा कार्यालय अगाडि सिसी क्यामेरा जडान भइसके पनि अहिले आएर वडा नम्बर ३ भवनियापुर र वडा नम्बर ५ को बिनौना चोकमा सिसी क्यामेरा जडान गरिएको हो । जडान गरिएका सिसी क्यामेराको कन्ट्रोल भने सिधै वडा कार्यालयबाट हुने खड्काले बताए । प्रवक्ता खड्का भन्छन्, 'नयाँ बनेको हुलाकी सडकखण्डमा दुर्घटना हुने र भागेर जाने सवारीसाधनको समेत पहिचान गर्न नसक्ने अवस्थामा सहज हुने र विभिन्न अपराधिक क्रियाकलाप समेत नियन्त्रण तथा निगरानीका लागि सिसी क्यामेराबाट ठूलो मद्दत पुग्नेछ।

राप्तीसोनारी-४ स्थित इलाका प्रहरी कार्यालयका प्रहरी वरिष्ठ नायब निरीक्षक बाल बहादुर घर्तीले विभिन्न चोकमा जडान गरिएका सिसी क्यामेराले धेरै कुरामा मद्दत पुग्ने बताए । समाजमा हुन सक्ने विभिन्न किसिमका अपराध नियन्त्रण तथा निगरानी र अनुसन्धानका लागि समेत सिसी क्यामेराले ठूलो सहयोग गर्ने वरिष्ठ सई घर्तीले जानकारी दिए । साथै सिसी क्यामेराले दुर्घटना न्यूनीकरण गर्न र स्थानीयले आफूलाई सुरक्षित महसुस गर्ने वातावरण बनाउने सई घर्तीले बताए। उनले भने, 'कुनै त्यस्तो अनुसन्धान गर्नुपर्ने भएमा सम्बन्धित वडा कार्यालयमा गएर आफैंले नै सिसी क्यामेरामा कैद भएको दृश्य हेर्छौं ।

राप्तीसोनारीमा बेलाबेलामा हुने घटना अब सिसी क्यामेरा जडान भएपछि क्यामेराको निगरानीमा आउने हुँदा त्यस्ता खाले घटनामा कमी आउने बिनौनाका स्थानीय तथा शिक्षक शेखर रावत बताउँछन् ।

प्रकाशित मिति: बिहीबार, वैशाख १८, २०८२ २०:५८

प्रतिक्रिया दिनुहोस्