कोहलपुर नगरपालिकाले बैशाख २५ गते भब्यरुपमा मनाउँदैछ १२औं स्थापना दिवस

स्थानीय

गृहपृष्ठ
स्थानीय
कोहलपुर नगरपालिकाले बैशाख २५ गते भब्यरुपमा मनाउँदैछ १२औं स्थापना दिवस

कोहलपुर नगरपालिकाले बैशाख २५ गते भब्यरुपमा मनाउँदैछ १२औं स्थापना दिवस

शुक्रबार, वैशाख १९, २०८२ बागेश्वरी पोस्ट

कोहलपुर (बाँके) । कोहलपुर नगरपालिकाले वैशाख २५ गते आफ्नो १२औं स्थापना दिवस भव्य समारोहका बीच मनाउँदैछ । नगरपालिकाले स्थानीय कला संस्कृतिको उत्थान, निजी क्षेत्रसँगको साझेदारी र क्रियाशील व्यक्तिहरुलाई सम्मान लगायतका कार्यक्रमहरुको आयोजना गरी स्थापना दिवसलाई उत्सवकै रुपमा मनाउन लागेको १२औं स्थापना दिवस सचिवालय उपसमिति संयोजक विरेन्द्र कुमार शाहले बताए । आज आयोजित पत्रकार सम्मेलनमा दिवसलाई भव्य र सभ्य बनाउनका लागि नगर प्रमुख पूर्ण प्रसाद आचार्यको संयोजकत्वमा ५०१ सदस्यीय मूल समारोह समिति, वडा अध्यक्ष वीरेन्द्र कुमार शाहको संयोजकत्वमा सचिवालय उपसमिति, वडा अध्यक्ष लाल बहादुर रानाको संयोजकत्वमा अतिथि सत्कार तथा मञ्च व्यवस्थापन उपसमिति, वडा अध्यक्ष हरि कठायतको संयोजकत्वमा खेलकुद उपसमिति र वडा अध्यक्ष मुबारक अलि गुजरको संयोजकत्वमा स्वास्थ्य तथा सरसफाई उपसमितिमार्फत तयारी तीव्र पारिएको जानकारी दिइएको छ ।

स्थापना दिवसलाई भव्यता दिन वैशाख २१ गतेदेखि वैशाख २५ गतेसम्म विभिन्न कार्यक्रमको आयोजना गरिएको शाहले जानकारी दिए । पञ्चेबाजा, टप्पा, थारु, गन्धर्व, मयुर, खाँडो र ख्यालीसहितको स्थानीय मौलिक पहिचान झल्कने कला संस्कृतिको प्रदर्शनी, सा‌मूहिक नृत्य प्रतियोगिता, खुल्ला कविता प्रतियोगिता, विद्यालय स्तरीय हाजिरीजवाफ प्रतियोगिता, कर्मचारी, जनप्रतिनिधि, उद्योगी व्यवसायी र पत्रकारबीच भलिवल प्रतियोगिता लगायतका कार्यक्रम आयोजना गरिएका छन् ।

यसैगरी उत्कृष्ट करदाता सम्मान, निःशुल्क स्वास्थ्य शिविर, रक्तदान, विद्यालय स्तरीय दौड, उत्कृष्ट खेलाडी सम्मान, विशेष योगदान पुर्याउने व्यक्तिहरुलाई पनि सम्मान गरिने बताइएको छ । स्थापना दिवसको दिन कोहलपुर नगरपालिका वडा नं. ११ न्यूरोडस्थित खुला मैदानमा भव्य समारोहका बीच औपचारिक कार्यक्रम आयोजना गरिने शाहले बताए । उक्त कार्यक्रममा लुम्बिनी प्रदेशका सामाजिक विकास मन्त्री जन्मजय तिमिल्सिना प्रमुख अतिथिको रुपमा रहनेछन् । मुख्य समारोहमा कोहलपुर नगरपालिकाको समग्र विकासमा योगदान पुर्याउने व्यक्ति तथा संस्थाहरुलाई सम्मान समेत गरिनेछ । संयोजक शाहले स्थापना दिवस २०८२ लाई भव्यरुपमा सफल बनाउन सबै पक्षसँग सहयोग, सहकार्य र साझेदारीको लागि आग्रह गरेका छन् ।

शाहका अनुसार वैशाख २१ गते नृत्य प्रतियोगिता, वैशाख २२ गते कर्मचारी र जनप्रतिनिधि, उद्योगी व्यवसायी र पत्रकारवीच भलिवल प्रतियोगिता, खुल्ला कविता प्रतियोगिता, वैशाख २३ गते महिला कर्मचारी, शिक्षिका, संघसंस्था, संचारकर्मीवीच भलिबल प्रतियोगिता, विद्यालय स्तरीय हाजिरीजवाफ प्रतियोगिता, वैशाख २४ गते रक्तदान कार्यक्रम, विद्यालय स्तरीय दौड प्रतियोगिता, निःशुल्क स्वास्थ्य शिविर र वैशाख २५ गते मूल समारोहका वीच स्थापना दिवस मनाइने, विहान ६:३० बजे पिपल चौतारादेखि प्रभातफेरी कार्यक्रम गरिनेछ ।

प्रकाशित मिति: शुक्रबार, वैशाख १९, २०८२ २२:००

प्रतिक्रिया दिनुहोस्