कोहलपुरमा सिलाई कटाई तालिम सुरु

स्थानीय

गृहपृष्ठ
स्थानीय
कोहलपुरमा सिलाई कटाई तालिम सुरु

कोहलपुरमा सिलाई कटाई तालिम सुरु

आइतबार, वैशाख २१, २०८२ बागेश्वरी पोस्ट

कोहलपुर (बाँके) । कोहलपुरमा महिलाहरुका लागि ४५ दिने सिलाई कटाई सम्वन्धि एडभान्स तालिम आजदेखि सुरु भएको छ । कोहलपुर नगरपालिका वडा नम्बर ४ को दुई लाख र कोहलपुर नगरपालिका सीप विकास कार्यक्रम अन्तर्गत एक लाख गरी कूल तीन लाखको लागतमा तालिम सुरु भएको हो ।

तालिमको कोहलपुर नगरपालिकाका नगर उपप्रमुख संगिता सुवेदीले उद्घाटन गरिन् । उनले महिलाहरुलाई आर्थिक रुपमा सक्षम बनाउनका निमित्त कोहलपुर नगरपालिकाले उनीहरुलाई सीपसँग जोड्ने काम गर्दै आएको बताइन् । उनले वेसिक तालिमहरु दिएर मात्रै महिलाहरुलाई सक्षम बनाउन नसकिने भएकाले पालिकाले आवश्यकताका आधारमा उनीहरुलाई एडभान्स तालिम दिने गरिएको बताइन् । अहिले थुप्रै महिलाहरु सीप सिकेर आत्मनिर्भरको बाटोमा हिडेको पनि उनको भनाई छ ।

वडा नम्बर ४ का वडा अध्यक्ष मुबारक अलि गुजरले महिलाहरुको आवश्यकताका आधारमा वडा कार्यालयको लगानीमा तालिम प्रदान गरिएको भन्दै राम्रोसँग सीप सिकेर स्वरोजगार बन्न सुझाव दिए । आयोजक सम विकासका लागि सामाजिक अभियानका अध्यक्ष कृष्ण विकले महिलाहरुलाई सीपमूलक तालिम दिएर उनीहरुलाई आत्मनिर्भर बनाउन तालिम सहयोगी हुने बताए ।

उद्घाटन कार्यक्रममा स्थानीय जनप्रतिनिधि, समाजसेवी लगायतको सहभागिता रहेको थियो । तालिममा १३ जना सहभागी छन् । तालिमको प्रशिक्षकमा गौरी बुढा क्षेत्री रहेकी छिन् ।

प्रकाशित मिति: आइतबार, वैशाख २१, २०८२ १८:०४