जानकीमा मेलमिलापकर्ताका लागि पुनर्ताजकीय तालिम

स्थानीय

गृहपृष्ठ
स्थानीय
जानकीमा मेलमिलापकर्ताका लागि पुनर्ताजकीय तालिम

जानकीमा मेलमिलापकर्ताका लागि पुनर्ताजकीय तालिम

आइतबार, जेठ ४, २०८२ बागेश्वरी पोस्ट

जानकी (बाँके) । जानकी गाउँपालिकामा मेलमिलापकर्ताहरुका लागि आयोजित पुनर्ताजकीय तालिम सम्पन्न भएको छ । जानकी गाउँपालिका न्यायिक समितिको आर्थिक सहयोग र जनअधिकार संरक्षण मञ्च नेपाल काठमाण्डौको प्राविधिक सहयोग तथा भिड लिगल सर्भिस नेपालगञ्जको आयोजनामा शुक्रबारदेखि मेलमिलापकर्ताहरुका लागि तीन दिने पुनर्ताजकीय तालिम सञ्चालन गरिएको थियो । समापन कार्यक्रममा बोल्दै जानकी गाउँपालिका उपाध्यक्ष तथा न्यायिक समिति संयोजक रामप्यारी यादवले मेलमिलापकर्ताका लागि तालिम निकै उपयोगी हुने विश्वास ब्यक्त गरिन् ।

भिड लिगल सर्भिसका अध्यक्ष अधिवक्ता भानुभक्त रिजालको अध्यक्षता एवम् जानकी गाउँपालिका उपाध्यक्ष तथा न्यायिक समिति संयोजक यादवको प्रमुख आतिथ्यतामा भएको समापन कार्यक्रमको सञ्चालन राजु यादवले गरेका थिए । तालिममा अधिवक्ता रिजालले प्रशिक्षण दिएका थिए । तालिममा २४ जना प्रशिक्षार्थीहरु सहभागी भएका थिए । समापन कार्यक्रममा प्रमुख प्रशासकीय अधिकृत नर वहादुर विक, न्यायिक समिति सदस्य राजेन्द्र सिंह, केकई धोवी, कार्यपालिका सदस्य रामआचल धोवी, न्यायिक शाखाका अधिकृत जित वहादुर श्रेष्ठ लगायतको उपस्थिति रहेको थियो ।

प्रकाशित मिति: आइतबार, जेठ ४, २०८२ १९:४१

प्रतिक्रिया दिनुहोस्