नेपालगञ्जमा मनाइयो 'हिटवेभ एक्सन डे'

स्थानीय

गृहपृष्ठ
स्थानीय
नेपालगञ्जमा मनाइयो 'हिटवेभ एक्सन डे'

नेपालगञ्जमा मनाइयो 'हिटवेभ एक्सन डे'

सोमबार, जेठ १९, २०८२ बागेश्वरी पोस्ट

नेपालगञ्ज । नेपाल रेडक्रस सोसाइटी बाँके शाखाको आयोजनामा लैङ्गिक तथा समावेशीकरण सम्बन्धि अभिमुखीकरण तथा ‘तातोको थकान र घामको गम्भीर अवस्थालाई चिनौं’ भन्ने मूल नाराका साथ 'हिटवेभ एक्सन डे' मनाइएको छ । नेपाल रेडक्रस सोसाइटी लैङ्गिक तथा समावेशीकरण समितिकी संयोजक शान्ति श्रेष्ठले रेडक्रसमा महिला सहभागिताका लागि महिला सदस्य बनाउन अनुरोध गरिन् । नेपाल रेडक्रस सोसाइटी बाँके शाखाका सभापति गोवद्र्धन सिंह सम्झनाले जलवायू परिवर्तनको असरले हरेक वर्ष तापक्रम बृद्धि भइरहेको र नेपालकै नेपालगञ्ज शहर सबैभन्दा गर्मी हुने ठाँउको रुपमा परिचित रहेको जानकारी गराउँदै तातो हावाको लहर 'लु' को बारेमा आमसमुदायलाई सचेत गराउन आवश्यक रहेको बताए ।

उक्त अवसरमा नेपाल रेडक्रस सोसाइटी उपशाखाका स्वयंसेवकहरुलाई तातो हावा लहर 'लु', रेडक्रस अभियान प्रचारप्रसार, रक्तदाता उत्प्रेरणा र लैङ्गिक तथा समावेशीकरण सम्बन्धि प्रस्तुतिकरण गरिएको थियो । नेपाल रेडक्रस सोसाइटी बाँके शाखाकी उपसभापति एवं लैङ्गिक तथा समावेशीकरण समिति संयोजक श्रेष्ठको अध्यक्षतामा सम्पन्न कार्यक्रममा शाखा सभापति सम्झना, मन्त्री अजिज अहमद सिद्धिकी, कोषाध्यक्ष राकेश बहादुर श्रीवास्तव लगायत उपशाखाका सभापति, लैङ्गिक तथा समावेशीकरण समितिका संयोजक, सदस्य र कार्यसमितिका पदाधिकारीहरुको सहभागिता रहेको थियो । अभिमुखीकरणको सहजीकरण नेपाल रेडक्रस सोसाइटी बाँके शाखाका निमित्त कार्यालय प्रमुख निरञ्जना मल्ल, जनसम्पर्क अधिकृत सरिता सिंह, लेखा अधिकृत झविलाल शर्मा र कार्यक्रम अधिकृत प्रहलाद विश्वकर्माले गरेका थिए ।

May be an image of 14 people, people studying and text