नेपालगञ्जमा युवाहरुलाई कार्यस्थलमा आधारित सीप तथा क्षमता विकास र जीवनोपयोगी तालिम

स्थानीय

गृहपृष्ठ
स्थानीय
नेपालगञ्जमा युवाहरुलाई कार्यस्थलमा आधारित सीप तथा क्षमता विकास र जीवनोपयोगी तालिम

नेपालगञ्जमा युवाहरुलाई कार्यस्थलमा आधारित सीप तथा क्षमता विकास र जीवनोपयोगी तालिम

शुक्रबार, जेठ २३, २०८२ बागेश्वरी पोस्ट

नेपालगञ्ज । नेपालगञ्जमा युवाहरुलाई कार्यस्थलमा आधारित सीप तथा क्षमता विकास र जीवनोपयोगी तालिम प्रदान गरिएको छ । नेपालगञ्ज उपमहानगरपालिका रोजगार सेवा केन्द्रको आर्थिक सहयोग र नेशनल मानस विकास ट्रेनिङ इन्स्टिच्युट प्रालिको प्राविधिक सहयोगमा सञ्चालित ५० दिने (४० दिने प्लम्बर र डकर्मी तथा १० दिने जीवनोपयोगी) कार्यस्थलमा आधारित सीप तथा क्षमता विकास र जीवनोपयोगी तालिम प्रदान गरिएको हो । तालिम शुक्रबार समापन भएको छ ।

समापन कार्यक्रम नेपालगञ्ज उपमहानगरपालिका वडा नम्बर २० का वडा अध्यक्ष कौशल कुमार धोबीको अध्यक्षता एवम् नगर उपप्रमुख कमरुद्दिन राईको प्रमुख आतिथ्यतामा सम्पन्न भएको थियो । कार्यक्रममा बोल्दै उपप्रमुख राईले तालिममा सिकेको ज्ञान र सीपलाई ब्यवहारमा उतार्नुपर्नेमा जोड दिए । सीपले मानिसलाई आत्मनिर्भर र स्वाबलम्बी बनाउने बताउँदै उनले जानेको कुरालाई अभ्यासले अझ निखार्ने बताए ।

May be an image of 4 people, dais and text

वडा नम्बर २० का वडा अध्यक्ष धोबीले तालिमले स्वरोजगारी बन्न सहयोग गर्ने बताए । रोजजार संयोजक मञ्जु ज्ञवालीले न्यूनतम् रोजगारीले मात्रै दिर्घकालीन रोजगारी जान नसक्ने देखिएकोले युवाहरुलाई स्वरोजगार बनाउने उद्देश्यले तालिम सञ्चालन गरिएको बताइन् । उनले सिकेको सीप प्रयोग गर्न आग्रह गरिन् । तालिममा वडा नम्बर १९ र २० का गरी ४० जनाको सहभागिता रहेको रोजगार सहायक अनुप बर्माले बताए ।

May be an image of 7 people, flute, dais and text May be an image of 1 person, studying and text