जुत्ता चप्पल कारखानालाई दुई लाख रुपैयाँ जरिवाना

अर्थ

गृहपृष्ठ
अर्थ
जुत्ता चप्पल कारखानालाई दुई लाख रुपैयाँ जरिवाना

जुत्ता चप्पल कारखानालाई दुई लाख रुपैयाँ जरिवाना

मंगलबार, जेठ २७, २०८२ बागेश्वरी पोस्ट

नेपालगञ्ज । बाँकेमा एक जुत्ता चप्पल कारखानालाई दुई लाख रुपैयाँ जरिवाना गरिएको छ । बाणिज्य, आपूर्ति तथा उपभोक्ता संरक्षण कार्यालय नेपालगञ्जले बजार अनुगमनका क्रममा जानकी गाउँपालिका वडा नम्बर ३ स्थित लक्ष्मी फुटवेयर इण्डष्ट्रिजलाई दुई लाख रुपैयाँ जरिवाना गरेको हो ।

अधिकतम् मूल्य (एमआरपी) कायम नगरी जुत्ता चप्पल बजारमा विक्रि वितरण गरेको पाइएपछि जरिवाना गरिएको बाणिज्य, आपूर्ति तथा उपभोक्ता संरक्षण कार्यालय नेपालगञ्जका प्रमुख हरि बहादुर खत्रीले बताए । कुनै पनि सामान उत्पादन गरेपछि अनिवार्यरुपमा त्यसको एमआरपी राख्नुपर्नेमा त्यसो नगरेको पाइएपछि उपभोक्ता संरक्षण ऐन २०७५, को दफा ३८ को खण्ड (ङ) बमोजिम दुई लाख रुपैयाँ जरिवाना गरिएको खत्रीले जानकारी दिए ।

चालू आर्थिक बर्षको यो सबैभन्दा ठूलो जरिवाना भएको बाणिज्य, आपूर्ति तथा उपभोक्ता हित संरक्षण कार्यालयले जनाएको छ ।

प्रकाशित मिति: मंगलबार, जेठ २७, २०८२ ०८:५०

प्रतिक्रिया दिनुहोस्